تورکیه، سعودی عربیستانداکی سالدیریلاری قیناییب
تورکیه، سعودی عربیستانینین میللی نفت شیرکتی "سعودی آرامکویا" عایید تاسیسلره کئچیریلن سالدیریلاری پیسلهییب
تورکیه، سعودی عربیستانینین میللی نفت شیرکتی "سعودی آرامکویا" عایید تاسیسلره کئچیریلن سالدیریلاری پیسلهییب.
خاریجی ایشلر ناظیرلیگیندن ائدیلن یازیلی آچیقلامادا،
سعودی عربیستانینین میللی نفت شیرکتی سعودی آرامکویا عایید ایکی آیری موسسیسهیه اینسانسیز هاوا واسطهلری ایله کئچیردیگی بیلدیریلن سالدیریلاری پیسلییریک. بو موناسیبتله بؤلگهده و کؤرفزده امنیته و ثابتلیگه ضرر وئرهجک هر جور تحریک ائدیجی آددیمدان ایمتیناع ائدیلمهسینین اهمیتینی بیر داها وورغولاییریق". ایفادهسینه یئر وئریلیب.
سعودی عربیستانینین میللی نفت شیرکتی سعودی آرامکویا عایید ایکی کارخانادا دونن یئرلی واختلا 04.00ده سیلاحلی اینسانسیز هاوا واسطهسیله سالدیری کئچیریلمهسی نتیجهسینده یانغین چیخدیغی آچیقلانمیشدی.
اؤلن یا دا یارالانانین اولمادیغی سیلاحلی اینسانسیز هاوا واسطهسی سالدیریسی ایله باغلی هر هانسی بیر طرف اتهام ائتمزکن، حوثیلر ائتدیکلری یازیلی آچیقلامادا، سالدیرینی اؤزلرینین حاظیرلادیقلارینی ایشاره ائتمیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.