اردوغان: وطن بیر بوتوندور
"وطنیمیزه، بایراغیمیزا، ایستیقلالیمیزا اوزانان هر بیر الی قیردیق، یئنه قیراجاییق"
![اردوغان: وطن بیر بوتوندور](http://cdn.trt.net.tr/images/xlarge/rectangle/0acb/4aca/5500/5d6fb553c0680.jpg?time=1719059602)
![erdogan sivas kongresi.jpg](http://cdn.trt.net.tr/images/xlarge/rectangle/4481/8e50/a9f1/5d6fb583bd647.jpg?time=1719059602)
![erdogan sivas kongresi.jpg](http://cdn.trt.net.tr/images/xlarge/rectangle/8fc0/e07f/d49f/5d6fb567087e4.jpg?time=1719059602)
جمهورباشقانی رجب طیب اردوغان، بیر عصر سونرا، حمایهنین اصلا قبول ائدیلمز اولدوغونو تکرارلادی.
بو گون تورکییه جمهوریتینین تمللرینین آتیلدیغی سیواس کنگرهسینین ۱۰۰.جو ایلدؤنومو.
۴-۱۱ سپتامبر ۱۹۱۹دا ائدیلهن سیواس کنگرهسینده آلینان ان اؤنملی قرارلار، وطن تورپاقلارینین بیر بوتون اولدوغو، بیر بیریندن آیریلمایاجاغی ایله ماندات(آز گلیشمیش اؤلکهلری یؤنتمک اوچون بعضی بؤیوک دؤولتلره وئریلن یئتکی) و حمایهنین قبول ائدیلهمهیهجگی ایدی.
جمهورباشقانی اردوغان، سیواس کنگرهسینین ۱۰۰.جو ایلدؤنومو قوتلاما پروگرامینا قاتیلدی.
سیواسدا آتاتورک آنیدینا چلنگ قویان اردوغان بورادا چیخیشیندا، بیر عصر اول دونیایا وئریلهن، "ماندات و حمایه اصلا قبول ائدیلهبیلمز" مئساژینی تکرار ائتدی.
اردوغان، بئله دانیشدی:
"بیر عصر سونرا بیر داها تکرار ائدیریک کی، ماندات و حمایه اصلا قبول ائدیلمز. میللی سرحدلر ایچینده وطن بیر بوتوندور. وطنیمیز، بایراغیمیز، دؤولتیمیز، میللتیمیز، ایستیقلالیمیز بیزیم ناموسوموز، شرفیمیزدیر. وطنیمیزه، بایراغیمیزا، ایستیقلالیمیزا اوزانان هر بیر الی قیردیق، یئنه قیراجاییق. ایچریدن، یا دا دیشاردان تورکییه اوزرینده عملیات آپارماق ایستهیهنلره سینهمیزی سیپر ائتمک باهاسینا لازیم اولان جاوابی وئرمهیه داوام ائدجییک. تورکییهنین قازانیملارینا و هدفلرینه قارشی قورولان هر بیر توراغی پوزاجاییق".
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719059603)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719059603)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی