اردوغان: "روسیا ایله تیجارت حجمی ینده کی هدفیمیز 100 میلیارد دولاردیر"
جمهور باشقانی رجب طیب اردوغان تورکیه ایله روسیا آراسیندا تیجارت حجمینین 25 میلیارد دولاری کئچدیگینی، هدفلرینین 100 میلیارد دولار اولدوغونو سؤیلهدی.
جمهور باشقانی رجب طیب اردوغان تورکیه ایله روسیا آراسیندا تیجارت حجمینین 25 میلیارد دولاری کئچدیگینی، هدفلرینین 100 میلیارد دولار اولدوغونو سؤیلهدی.
جمهور باشقانی رجب طیب اردوغان روسیانین پایتاختی مسکوا-دا پرزیدنت ولادیمیر پوتینله بیرلیکده ایشتیراک ائتدیگی اولوسلار آراسی کوسموس و هاواجیلیک سرگیسینین (ماکس 2019) آچیلیش مراسیمینده چیخیش ائتدی.
چیخیشیندا "ماکس 2019"-و اؤز ساحهسینین لیدر سرگیلریندن بیری کیمی سجیهلندیرن اردوغان بونلاری سؤیلهدی: "بیزیم ده بو ایل 14-جو دفعه کئچیردیگیمیز IDEF سرگیمیز وار. 14-22 سپتامبر 2019-جو ایلده کئچیریلهجک تکنوفست تدبیرینده ایسه 1 میلیوندان چوخ اینسانین ایشتیراکینی گؤزلییریک. جناب پوتین باشدا اولماقلا، بوتون روس خالقینی فستیوالا دعوت ائدیریک"
تورکیه-نین مودافعه، هاواجیلیک و کوسموس تکنولوژی لرینده اؤزونو اثبات ائدن اؤلکه اولدوغونو وورغولایان پرزیدنت: "2018-جی ایلین سونوندان اعتباراً مودافعه و هاواجیلیک ساحهمیزین عمومی صادراتی 2.5 میلیارد دولارا چاتیب" دئدی.
تورکیه پرزیدنتی تورکیه ایله روسیا آراسینداکی صمیمی و یاخین دیالوقون کؤکلو و چوخ طرفلی امکداشلیقلاردان بهره لندیگینی ایفاده ائدهرک: "بو ایل تخمینا 6 میلیون روسیالی توریستین اؤلکهمیزه سفر ائتمهسینی گؤزلییریک. آرامیزداکی تیجارت دؤوریهسی 25 میلیارد دولاری کئچیب. هدفیمیز 100 میلیارد دوللاردیر".