تورکییهدن افغانیستانا باشساغلیغی
"قارداش افغانیستان خالقینا درین حوزنله باشساغلیغی دیلهییریک"
تورکییه، افغانیستانداکی یولچو اتوبوسونا ائدیلهن و ۳۲ نفرین اؤلومو ایله نتیجهلنن بومبالی سالدیرینی قینایاراق، اؤلکه خالقینا باش ساغلیغی دیلهدی.
خاریجی ایشلر باخانلیغنیدان وئریلهن یازیلی آچیقلامادا، افغانیستانین هرات ویلایتینده بیر یولجو اتوبوسونا ائدیلهن سالدیریدا چوخ ساییدا اؤلن و یارالانانین اولماسیندان دویولان کدر دیله گتیریلدی.
افغانیستاندا سئچیم تبلیغاتی دؤورونون باشلادیغی و باریش پروسهسی چابالارینین ایرلی بیر مرحلهیه گتیریلدیگی بو دؤنمده، ترور ائیلملرینین آرتماسی قایغی وئریجی اولدوغو وورغولانان آچیقلامادا،
"سؤز قونوسو ترور سالدیریسینی قیناییر، سالدیردا حیاتینی ایتیرهنلره اللهدان رحمت، دوست افغانیستان حکومتینه و قارداش افغانیستان خالقینا درین حوزنله باشساغلیغی، یارالانانلارا عاجل شفالار دیلهییریک" ایفادهسی ایشلدیلدی.
یول کنارینا یئرلشدیریلهن بومبانین، هراتدان فراه ویلایتینه گئدن یولچو اتوبوسونون گئچدیگی سیرادا پاتلاماسی نتیجهسینده ۳۲ نفر حیاتینی ایتیرمیش، ۱۵ نفر یارالانمیشدی.
سالدیرینین مسولیتینی هله اوزرینه گؤتورهن اولمادی.