اردوغان: "تورکیه-مالایزیا-پاکیستان امکداشلیغینین اینکیشافینا دستک وئرمهیه داوام ائدجییک"
تورکیه پرزیدنتی رجب طیب اردوغان تورکییه-مالایزیا-پاکیستان اوچ طرفلی امکداشلیغینین اینکیشافینا دستک وئرمهیه داوام ائدهجکلرینی سؤیلهدی.
تورکیه پرزیدنتی رجب طیب اردوغان تورکیه-مالایزیا-پاکیستان اوچ طرفلی امکداشلیغینین اینکیشافینا دستک وئرمهیه داوام ائدهجکلرینی سؤیلهدی.
اردوغان بونو پایتاخت آنکارادا رسمی سفرده اولان مالایزیانین باش ناظیری ماهاتیر محمد ایله کئچیردیگی تک به تک و هئیتلرآراسی گؤروشدن سونرا کئچیریلن بیرگه مطبوعات کنفرانسیندا بیلدیردی.
تورکیه پرزیدنتی اؤتن گون کئچیریلن گؤروشلرده D8 عضوو اولان ایکی ایستراتژی طرفداش کیمی امکداشلیق ایستیقامتینده آتیلاجاق آددیملاری موذاکیره ائتدیکلرینی قئید ائتدی.
مالایزیانین ایستانبول-دا باش کونسوللوق آچماق بارهسینده قرار قبول ائتدیگینی ده سؤیلهین اردوغان بو آددیمین ایکیترفلی موناسیبتلره اهمیتلی تحفه وئرجگینی ایفاده ائتدی.
پرزیدنت اردوغان گونئی –دوغو آسیا (فیلیپپین، مالایزیا، تایلند، ایندونزیا، سینگاپور) میللتلر بیرلیگی (ASEAN) ایله طرفداشلیق چرچیوهسینده مالایزیایا خصوصی اهمیت وئردیکلرینی وورغولایاراق: "فیلیسطین موباریزهسی باشدا اولماقلا، روهینگیا بحرانی و ایسلامافوبیا کیمی مسئلهلرده بیرگه موضع نوماییش ائتدیریریک. مالایزیا ایله بو ایستیقامتدکی امکداشلیغیمیزی داها دا گوجلندیرجییک. جناب ماهاتیرین تکلیفی ایله خاریجی ایشلر ناظیرلری سویهسینده باشلانان تورکیه-مالایزیا-پاکیستان اوچ طرفلی امکداشلیغینین اینکیشافینا دستک وئرمهیه داوام ائدجییک" دئیه دانیشدی.
اردوغان تورکییه ایله مالازیا آراسیندا بؤیوک تیجارت پتانسیلی اولدوغونو دا وورغولادی.
پرزیدنت اردوغان بیرگه مطبوعات کنفرانسیندان اول مالایزیانین باش ناظیری ماهاتیر محمده جمهوریت نشانی وئردی.