مولود چاووش اوغلو: "دائم فیلیسطین-لیلرین یانیندا اولاجاغیق"

تورکیه-‌نین خاریجی ایشلر ناظیری مولود چاووش اوغلو دائم فیلیسطین دؤولتی‌نین و فیلیسطین‌-لی  قارداش‌لاریمیزین یانیندا اولاجاغیق" دئدی.

تورکیه‌نین خاریجی ایشلر ناظیری مولود چاووش اوغلو ایسلام امکداش‌لیق تشکیلاتی‌نین خاریجی ایشلر ناظیرلری سویه‌سینده کئچیردیگی آچیق ترکیب‌لی فوق العاده ایجرا کومیته‌سی‌نین توپلانتی‌سیندا ایشتیراک ائتمک اوچون سعودیه عربیستانی‌نین جده شهرینه سفر ائتدی.

چاووش اوغلو بورادا فیلیسطین خاریجی ایشلر ناظیری ریاض المالکی ایله گؤروشدو.

تورکیه خاریجی ایشلر ناظیری سوسیال مئدیا حسابی  تویترده گؤروشله باغلی بون‌لاری یازدی: "فیلیسطین خاریجی ایشلر ناظیری، قارداشیم ریاض المالکی ایله ایسرایلین قودسه قارشی آرتان تجاوزکار موضعینی موذاکیره ائتدیک. دائم فیلیسطین دؤولتی‌نین و فیلیسطین‌لی قارداش‌لاریمیزین یانیندا اولاجاغیق".