اردوغان، بوسنی و هرزگووئین گؤروشمهلری
تورکیه جمهور باشقانی رجب طیب اردوغان، بوسن و هرزگووئین خالقلار مجلیسی باشقانی بکیرعزت بگوویچی قبول ائدیب
تورکیه جمهور باشقانی رجب طیب اردوغان، بوسن و هرزگووئین خالقلار مجلیسی باشقانی بکیرعزت بگوویچی قبول ائدیب.
جنوب-شرقی آوروپا امکداشلیق پروسهسی ذیروه توپلانتیسی اوچون گئتدیگی باشکند سارایبوسنا-دا، ایلک اولاراق عزت بگوویچ ایله گؤروشوب.
مطبوعاتا قاپالی کئچیریلن قبول، 40 دقیقه سوردو.
پرزیدنت اردوغان، اسلوونیالی همکاری بوروت پاهور ایله ده گوروشدوکدن سونرا، بولغاریستان باشباخانی بویکو بوریسووو قبول ائدیب.
اردوغان، بوسنی و هرزگووئین پرزیدنت شورا باشقانی میلوراد دودوق، شورا عضولری شفیق جعفروویچ و زلژکو کومشیچ ایله گؤروشوب.
بوسنی و هرزگووئین پرزیدنت شوراسینین بیناسیندا مطبوعاتا قاپالی کئچیریلن گؤروشمه تخمینن بیر ساعات داوام ائتدی.
پرزیدنت اردوغان، دانیشیقلاری چرچیوهسینده، سربرنیتسا سویقیریمی قوربانلاری خاطیرهسینه کئچیریلن گئچید مراسیمینه قاتیلیب.
سربرنیتسادا باش وئرن سویقیریمین 24-جی ایلده تورپاغا وئریلهجک 33 قوربانین میّتلرینی داشییان کونووی، باشکند سارایبوسنادان پوتوچاری عابده قبیریستانلیغینا اوغورلاندی.
مراسیمده میّتلری داشییان واسطه، دولت رهبرلیگی شورا بیناسی اؤنونه گئتدی.
پرزیدنت اردوغان و یانینداکیلار ایله بوسنیلی وطنداشلار بورادا، سویقیریم قوربانلاری اوچون دعا ائتدی و ماشینین اوستونه چیچکلر قویدو.
کئچید مراسیمینین آردیندان اردوغان، اؤزونه چوخ ماراق گؤسترن بوسنیالیلارلا فوتو چکدیریب.
بو سحر ویسوکو شهریندن حرکت ائدن کونووی، سارایبوسنادان کئچهرک پوتوچاری عابده قبیریستانلیغینا چاتاجاق.
سویقیریم قوربانلاری 11 ژوئیهده کئچیریلهجک دفن مراسیمینین آردیندان بورادا تورپاغا وئریلهجک.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"