جمهور باشقانی اردوغان سارایوو-دا تورک عسگرلری ایله گؤروشدو

تورکیه پرزیدنتی رجب طیب اردوغان گونئی-دوغو آوروپا امکداش‌لیق پروسه‌‌نین ذیروه توپلانتی‌سیندا ایشتیراک ائتمک اوچون بوسنیا و هرزگوینانین پایتاختی سارایوویا سفر ائتدی.

پرزیدنت اردوغان بوتمیر حربی بازاسیندا یئرلشن آوروپا بیرلیگی باریش گوجو قوه‌لری‌نین نزدینده بوسنیا و هرزگوینا  تورکیه نماینده هئیتی رهبرلیگی‌نین میللی دستک بیرلیک قوموتانلیغیندا خیدمت ائدن تورک عسگرلری ایله گؤروشدو.

اردوغان میللی مودافعه ناظیری حولوصی آکار ایله بیرلیکده کازارمانی گزدی، عسگرلرله گونورتا یئمگی یئدی.

گؤروش مطبوعاتا قاپا‌لی کئچیریلدی.

پرزیدنت بوسنیا سفری‌نین ایلک گونونده اؤلکه‌نین اونودولماز لیدری علیا عزت بگوویچ ین مزارینی دا زیارت ائتدی.

تورکیه پرزیدنتی داها سونرا ذیروه توپلانتی‌سی چرچیوه‌سینده تشکیل اولونا‌جاق آخشام یئمگینه قاتیلا‌جاق.