تورکییه شدتله قینادی
"بو عینی زامان‌دا بیرلشمیش میللتلرین تروریزمله باغلی وئردیگی قرارلارین بالذات بیرلشمیش میللتلر طرفیندن آچیق بیر پوزونتوسودور"
تورکییه، بیرلشمیش میللتلرده‌کی یپگ/پ‌کاکا قالماقالینی شدتله قینادی.
خاریجی ایشلر باخانلیغیندان وئریله‌ن یازی‌لی آچیقلامادا، بیرلشمیش میللتلر اوشاقلار و سلاح‌لی چاتیشمالار اؤزل نماینده‌سی ویرجینیا گامبانین، بؤلوجو ترور هؤرگوتو پ‌کاکا/پید/یپگ کنترلوندا‌کی سؤزده سوریه دموکراتیک گوجلرینه باشچیلیق ائد‌ن تروریست "فرهاد عبدی شاهین" ایله، عضولرین بیلگیسی دیشیندا بیر آرایا گله‌رک "فعالیت پلانی" ایمضالاماسی، بیرلشمیش میللتلر آدینا سون درجه وخیم حادثه اولاراق دگرلندیریلدی.
تورکییه‌نین سؤزوگئدن گلیشمه اوزرینه بیرلشمیش میللتلر اورگانلاری یانین‌دا درحال لازیم اولان گیریشیملری گؤستردیگی وورغولانان آچیقلامادا بونلار قید ائدیلدی:
"ترورلا مباریزه‌ده اؤن سیرادا اولماسی لازیم اولان بیرلشمیش میللتلرین، بیر ترور هؤرگوتویله آنلاشما یاپماسی هئچ جور ایضاح ائدیله‌بیلمز. بو عینی زامان‌دا بیرلشمیش میللتلرین تروریزمله باغلی وئردیگی قرارلارین بالذات بیرلشمیش میللتلر طرفیندن آچیق بیر پوزونتوسودور".
بیرلشمیش میللتلرین ترور هؤرگوتو پ‌کاکا/پید/یپگ‌نین اوشاقلارا قارشی زورلا سلاح آلتینا آلماق، او جمله‌دن ان آغیر انسانی و اولوسلارآراسی حقوق جینایتلرینی ایشلدیگینی تصدیق ائتمه‌سینین، ترور هؤرگوتونون سابقه‌سینین بیر داها گؤزلر اؤنونه سریلمه‌سی باخیمین‌دان اؤنملی اولدوغونا ایشاره ائدیله‌ن آچیقلامادا،
"آنجاق بیرلشمیش میللتلرین بو پروبلئمی حل ائتمک اوچون الی قانلی ترور هؤرگوتونو مخاطب آلماسی اصلا قبول ائدیلمز" دگرلندیرمه‌سینه یئر وئریلدی.
