اردوغان ژاپون ایمپراتورو ایله گؤروشدو
تورکیه جمهور باشقانی رجب طیب اردوغان، تورکیه ایله ژاپونیا آراسیندا 1.5 عصره یاخینلاشان دوستلوق باغلارینی داها دا گوجلندیردیکلرینی دئییب
تورکیه جمهور باشقانی رجب طیب اردوغان، تورکیه ایله ژاپونیا آراسیندا 1.5 عصره یاخینلاشان دوستلوق باغلارینی داها دا گوجلندیردیکلرینی دئییب.
جی-20 ایجلاسینا قاتیلماق اوچون گئتدیغی ژاپونیادا موختلیف گؤروشمهلر کئچیرن اردوغان، ژاپون ایمپراتورو ناروهیتو ایله ایمپراتورلوک ساراییندا بیرگؤروشمه کئچیریب.
پرزیدنت اردوغانا گؤروشمهده خانیمی امینه اردوغان دا همراهلیق ائدیب.
اردوغان، ژاپونیا باش ناظیری شینزو آبه ایله ده ایش یئمگینده بیر آرایا گلدی.
اردوغان، باسینا آچیق بؤلوم چیخیشیندا، ژاپونیا سفر ائتمکدن دویدوغو ممنونیتی ایفاده ائتدی.
قوناقپرورلیکلری اوچون آبهیه تشککور ائدن اردوغان، اوساکادا جی-20 لیدرلر ایجلاسینا اوغورلو ائو صاحبلری اوچون تبریکلرینی چاتدیردی.
باش ناظیر آبه ایسه، تورکیه ایله ژاپونیا آراسیندا ایستراتژیک طرفداشلیغی داها یوکسک سویهیه چیخارماغا چالیشاجاقلارینی دئییب.
لیبرال دموکرات پارتیسینین باش کاتیبی و ژاپونیا-تورکیه پارلامنتلر آراسی دوستلوق قروپونون باشقانی توشیهیرو نیکاینین شرفینه وئردیگی سحر یئمگینه ده قاتیلان پرزیدنت اردوغان، باسینا قاپالی کئچیریلن ضیافت چیخیشیندا، سون درجه ثمرهلی و اوغورلو بیر سفر ائتدیکلرینی بیلدیریب.
تکجه سیاسی و ایقتیصادی ساحهده دئییل، مدنی و علمی ساحهده ده ایکی اؤلکه آراسیندا چوخ جیدی بیر پوتانسیل اولدوغونا ایناندیغینی وورغولایان اردوغان،
معلوم ژاپونیا ایله آرامیزداکی ان کریتیک پروژهلردن بیری ایستانبولدا قورولماسی پلانلاشدیریلان تورکیه-ژاپونیا علم و تکنولوژی اونیورسیتهسیدیر. بو اونیورسیتهنین قیسا زاماندا فعالیته کئچمهسی اوچون تلاش گؤستریریک". دئیه دانیشدی.
پرزیدنت اردوغان، 2019 ایلینی ژاپونیادا تورک مدنیت ایلی اعلان ائتدیکلرینی ده خاطیرلاداراق،
ایل عرضینده کئچیرجگیمیز پروقراملارلا تورکیهنین زنگین مدنی تجروبهسنی ژاپون دوستلاریمیزا یاخیندان تانیتماغی قارشیسینا مقصد قویوروق". ایفادهسینی ایستیفاده ائتدی.
حزینهلر و عثمانلی ایمپراتورلوغوندا لاله عنعنهسی" آدلی توپقاپی سارایی سرگیسینین توکیودا گرگین بیر ماراقلا قارشیلاندیغینی اؤیرندیگینی دیله گتیرن اردوغان، 170 مین ژاپون صنعتسئورلرین بو سرگینی زیارت ائتمهسینین تورک مدنیتینه یؤنهلیک ماراغین گؤستریجیسی اولدوغونو دئدی.
پرزیدنت اردوغان، توفوکوژی معبدینده آچیلان آرا گولر سرگیسینین ده عینی قایغینی دوغوراجاغینا ایناندیغینی دئییب.
آسیانین شرق و غرب اوجوندا یئر آلان تورکیه و ژاپونیانین بیر-بیریندن اؤیرنهجگی چوخ شئی اولدوغونو بیلدیرن اردوغان،
بیزلر هر نه قدر فرقلی دیللری دانیشساق، بیر-بیریمیزه مینلرله کیلومتر اوزاقدا اولساق دا، مدنی نقطهده بیر چوخ اورتاق طرفیمیز وار. عائله باغلارینا وئریلن اؤنم، حؤرمت، ایشگوزارلیق، جسارت، موباریزه، اینتیزام بؤلوشدوگوموز بو اورتاق دیرلرین باشیندا گلیر". دئیه دانیشدی.
زیافته، خاریجی ایشلر ناظری مؤولود چاووشوغلو، خزینه و مالیه ناظری پاتئنت آلبایراک، مدنیت و توریزم ناظری مئهمئت نوری ائرسوی، میللی مدافعه ناظری هولوسی آکار، تیجارت باخانی روهسار پکجان و پرزیدنت ایلئتیشیم باشقانی فخرالدین آغایئو ده قاتیلیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.