جمهور باشقانی اردوغان تورک سلاح‌لی قوه‌لرینه اوغورلار دیله‌دی
جمهور باشقانی رجب طیب اردوغان عراق-ین قوزیی ینده کی بولوجو ترور تشکیلاتینا ایستیقامت‌لی "پنجه عملیات پلانی" نی باشلا‌دان عسگریمیزه اوغورلار دیله‌دی.
عراق-ین قوزیی ینده کی بولوجو ترور تشکیلاتینا ایستیقامت‌لی "پنجه عملیات پلانی" نی باشلا‌دان عسگریمیزه اوغورلار دیلییرم.
بونو جمهور باشقانی رجب طیب اردوغان سوسیال مدیا حسابیندان یایدیغی آچیقلامادا بیلدیریب.
تورک سلاح‌لی قوه‌لری‌نین هاکورک بؤلگه‌سینده کی تروریست‌لرین سیغینا‌جاق‌لارینا هم قورودان هم هاوا‌دان ضربه‌لر ائندیرن تورک سلاح‌لی قوه لرینین عملیاتینا توخونان جمهور باشقانی رجب طیب اردوغان: "ترور تشکیلاتی پ.کا.کا-یا آدیجیل ضربه‌لر ائندیرن قهرمان مهمت چیکلریمیزه سرحددن کناردا حیاتا کئچیردیک‌لری عملیاتدا اوغورلار دیلییرم. دعا‌لاریمیز سیزینله‌دیر. الله کمکینیز اولسون".
میللی مودافعه ناظیرلیگی‌نین عملیات ایله باغلی آچیقلاماسیندا: "پنجه عملیات پلانی چرچیوه‌سینده دونن گونورتا‌دان سونرا قورو قوه‌لری توپچو باتاریا‌لاری و هاوا قوه‌لری قوموتانلیغی طرفیندن ترورچولارین عراق-ین قوزیی ینده یئرلشن سیغینا‌جاق‌لارینا آغیر ضربه‌لر اندیریلیر. خصوصی کوماندولاریمیزین دا قاتیلدیق‌لاری قورو حرکاتی ایله بؤلگه آتش آلتیندا"-دئیه ناظیرلیگین آچیقلاماسیندا بیلدیریلیب.
