اردوغان، اینجهصنعت و ایدمانچیلارلا گؤروشوب
تورکیه جمهور باشقانی رجب طیب اردوغان، دونن ایستانبولداکی دولماباخچا ساراییندا موغننی و ایدمانچیلار ایله بیر آرایا گلدی
تورکیه جمهور باشقانی رجب طیب اردوغان، دونن ایستانبولداکی دولماباخچا ساراییندا موغننی و ایدمانچیلار ایله بیر آرایا گلدی.
اردوغان، اؤلکهنین اینجهصنعتینه و ایدمانینا وئردیکلری قاتقیلاردان دولایی آرتیست و ایدمانچیلارا تشککور ائدیب.
مدنیت، اینجهصنعت و ایدمانین میللتلرین اورتاق دگری اولدوغونو ایفاده ائدن اردوغان، بو سببدن مدنیت، اینجهصنعت اینسانلاری ایله ایدمانچیلارین اورتایا قویدوقلاری اثرلر و نایلیتلرله بوتون میللته مال اولموش شخصلر اولدوغونو وورغولاییب.
بونون اوچون صنعتکار و ایدمانچیلاری دایم ال اوستونده توتماغین، اعتبارلارینی یوکسلتمگین، ایمکانلارینی گئنیشلندیرمگین تلاشی ایچینده اولدوقلارینی ایفاده ائدن اردوغان، مدنی تدبیرلره اؤتورولن دولت دستگینی 2002یه گؤره 50 قات آرتیردیقلارینی، تکجه سینما سکتورونا وئریلن دستک حجمینی 40 دفعهدن چوخ قالدیردیقلارینی سؤیلهدی.
تورکیهنین ان معاصر اوپرا ایستانداردلاریندا بیناسینین، جمهور باشقانلیغی کونگره و مدنیت مرکزی اولدوغونو قئید ائدن اردوغان، بؤلگوده ده ایستانبولون شانینا یاراشیر بیر اوپرا و مدنیت مرکزینی اینشا ائتدیکلرینی خاطیرلادیب.
اردوغان،
فوق العاده بیر وضعیت اولماسا 2021-جی ایلده تاکسیمدکی، کئچمیش آدی ایله آتاتورک مدنیت مرکزینی، اینشا الله اوپرا بیناسی کیمی یئتیشدیرمیش اولاجاغیق." دئدی.
ایدمانچیلار اوچون ده چوخ اهمیتلی دستک و آلت یاپی خیدمتلرینی حیاتا کئچیردیکلرینی وورغولایان اردوغان، بو گون تورکیهنین، ایدمان کومپلکسی ساییسی باخیمیندان ایفتیخار وئریجی بیر سویهیه یوکسلدیگینی، لیسانسلی ایدمانچی ساییسینین 280 میندن، 9 میلیونون اوستونه چیخدیغینی سؤیلهدی.