تورکیهدن اس-400 و "پاتریوت" آچیقلاماسی
تورکیه روسیا ایله اس-400 هاوا مودافعه سیستملرینه دایر راضیلاشمانین داوام ائتدیگینی بیلدیردی.
تورکیه روسیا ایله اس-400 هاوا مودافعه سیستملرینه دایر راضیلاشمانین داوام ائتدیگینی بیلدیردی.
تورکیه جمهورباشقانلیغی مودافعه صنایعسینین رهبری ایسماییل دمیر پایتاخت آنکارادا تورکیه و آوروپا بیرلیگی سرحدلرینین سرحد موشاهیده قابیلیتینین آرتیریلماسی اوچون موبیل موشاهیده جیهازلارینین تجهیزاتی لاییحهسینین تحویل-تسلیم مراسیمیندن سونرا مطبوعات نمایندهلرینین اس-400 و "پاتریوت" راکت سیستملرینین تداروکو ایله باغلی وئردیکلری سواللاری جاوابلاندیردی.
تورکیه خاریجی ایشلر ناظیری مولود چاووش اوغلو اس-400-لرین آلیمی ایله علاقهدار:"حال-حاضردا تاخیره سالما، و یا دایاندیرما کیمی مسئلهلر موذاکیره موضوعسو دئییل. گوندم ده بئله بیر شئی یوخدور" آچیقلاماسینین خاطیرلادیلماسیندان سونرا دمیر: "اگر بیزیم خاریجی ایشلر ناظیریمیز بو بارهده آچیقلاما وئریبسه، بوندان سونرا سیز هر هانسی بیر آچیقلاما گؤزلمهمهلیسینیز، بیز ده عینی فیکیردییک" دئدی.
دمیر اس-400-لرین تحویل تاریخی حاقیندا وئریلن سوالا:"تحویل ایله باغلی معلوماتلار داها اول موذاکیره ائدیلیب، بونون ژوئیه آییندان ژوئن آیینا کئچیریلمهسی نظرده توتولور" دئیه جاواب وئردی.
ایسماییل دمیر اس-400-لرله ایشلهیهجک کادرلارین تعلیمی ایله علاقهدار مسئلهلرین ده اؤز مجراسیندا داوام ائتدیگینی ایفاده ائتدی.
جمهورباشقانلیغی مودافعه صنایعسینین رهبری امریکا رسمیلری ایله "پاتریوت"لارلا باغلی آپاریلان دانیشیقلار بارهسینده:"ایکی طرفلی دانیشیقلار داوام ائدیر، تفررواتلاردان بحث ائتمک چوخ دوغرو اولماز" دئدی.
دمیر اس-400 و "پاتریوت" مودافعه سیستملرینین ساتینالما و دانیشیقلار پروسه سی ایله علاقهدار اولاراق:"بیز جدی بیر دؤولتیک، روسیا ایله راضیلاشمامیز داوام ائدیر، امریکا ایله ده دانیشیقلاریمیز داوام ائدیر" دئیه بیلدیردی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.