دنیزقوردو مانورو داوام ائدیر
گون ایچری‌سین‌ده تورپاق هدفلرینه آتیشدان سونرا سو هدفلری وورولاراق دنیزده مانور ائدیله‌جک
دنیز گوجلری طرفیندن ۱۳۱ گمی، ۵۷ اوچاق و ۳۳ هلیکوپترله آنادولونو چئوره‌له‌ین اوچ دنیزده (قارا دنیز، دوغو آغ دنیز و اژه دنیزی) عینی واخت‌دا تشکیل ائدیله‌ن ان بؤیوک پلان‌لی مانورلاردان دنیزقوردو-۲۰۱۹ داوام ائدیر.
گؤلجوک دنیز آنا مرکز باشقانلیغیندان دونن آیریلان ساواش گمیلری، گئجه اعتباریله چاناق‌قالا بوغازین‌دان گئچیب، آتیش تعلیملری اوچون ایلگیلی ساحه‌یه بیرلیک حالین‌دا حرکت ائتدی.
تورک دنیز گوجلرینه عاید گمیلر، هوجوم قاییقلاری و میلگم پروژه‌سی چرچیوه‌سین‌ده اینشا ائدیله‌ن ساواش گمیلری طرفیندن قورو هدفلرینه آتیشلار حیاتا گئچیریلدی.
گون ایچری‌سین‌ده تورپاق هدفلرینه آتیشدان سونرا سو هدفلری وورولاراق دنیزده مانور ائدیله‌جک.
مانور چرچیوه‌سین‌ده ساروس کؤرفزین‌ده ت‌ج‌گ صالح رئیس ساواش گمیسی طرفیندن قورو بمباردمانی آتیشلاری ائدیلدی. ۱۰ کیلومتر مسافه‌ده ایکی فرق‌لی هدفه آتیش ائدیلدی. ۱۰ هدف آتشی ایله ایلک هدف وورولدوقدان سونرا ایکینجی هدف ده محو ائدیلدی.
تعلیم اوغورلا باشا چاتدی.
ماتوردا، ۱۷-۲۱ می تاریخلرین‌ده، قارا دنیز، اژه و آغ دنیزده بعینی آندا بحران و ساواش ددؤنمی سناریولارینی ایچرن سربست اویون صفحه‌سی اجرا ائدیله‌جک.
مانور سونوندا ۲۱-۲۴ می‌ده هوپادان اسکندرونا قدر قارادنیز، اژه دنیزی و دوغو آغ دنیز ساخللرینین بوتونونو قابسایاجاق شکیلده اشتراک ائده‌جک ۸۵ گمی طرفیندن، ۳۱ یوردایچی، ۲ یورددیشی لیمانا گئدیله‌جک. آیریجا، گمیلر خالقا آچیقلاجاق، شهید عائله‌لری ایله غازیلر آغیرلاناجاق.
دنیز جانلیلاری و یاشادیقلاری چئوره‌نین قورونماسی اوچون بوتون تدبیرلرین آلیندیغی مانور ۲۵ می‌ده باشا چاتاجاق.
