تورکیه روسیایا باش ساغلیغی وئردی

تورکیه موسکوادا باش وئرن طیاره قضاسیندا حیاتینی ایتیرن‌لر اوچون روسیایا باش ساغلیغی وئردی.

خاریجی ایشلر ناظیرلیگی‌نین آچیقلاماسیندا روسیانین پایتاختی مسکوا‌-داکی شرمتیوو هاوا لیمانیندا باش وئرن اوچاق قضاسیندا چوخ سایدا اینسانین حیاتینی ایتیرمه‌سیندن درین کدر دویولدوغو بیلدیریلیب.

آچیقلامادا قئید اولونوب کی، بو کدرلی حادثه‌یه گؤره روسیا خالقی‌نین و حکومتی‌نین کدرینی بؤلوشور و حیاتینی ایتیرن‌لرین عائله‌لرینه درین حزن ایله باش ساغلیغی وئریر، خسارت آلان‌لارین تئزلیکله ساغالماسینی آرزو ائدیریک.

قئید ائدک کی، مسکوانین شرمتیوو هاوا لیمانیندا "مسکوا – مورمانسک" مسیری ایله حرکت ائدن یولجو اوچاغی ائنیش زامانی یانماغا باشلاییب. طیاره‌دکی یولجولاردان 41-ی حیاتینی ایتیریب.