تورکیه انرژی و طبیعی قایناقلار ناظیری: تورکیه "بور" ایخراجیندا 1 میلیارد دولارین اوستونه چیخدی
فاتیح دؤنمز، ائتدیگی چیخیشیندا، بور معدنینین آدینی دیرنچ چوخالدیجی و آلوو گئجیکدیریجی خصوصیتلری یانیندا سرطان اؤنلهییجی، خصوصیتلری ایله 250دن چوخ ساحهده ایستیفاده ائدیلدیگینی سؤیلهدی
تورکیه انرژی و طبیعی قایناقلار ناظیری فاتیح دؤنمز،تورکیهنین "بور" ایخراجینین 1 میلیارد دولارین اوستونه چیخدیغینی سؤیلهدی.
فاتیح دؤنمز، نئوشهیر اولوسلار آراسی بور سیمپوزیومونون (بورون 2019) آچیلیشیندا ائتدیگی چیخیشیندا، بور معدنینین آدینی دیرنچ چوخالدیجی و آلوو گئجیکدیریجی خصوصیتلری یانیندا سرطان اؤنلهییجی، انرژی داشیییجی و توپلاییجی خصوصیتلری 250دن چوخ ساحهده ایستیفاده ائدیلدیگینی سؤیلهدی.
تورکیهنین دونیا بور قایناقینین یوزده 73ونه صاحب اولدوغونو ایفاده ائدن دؤنمز، "بور"دن علاوه دگری یوکسک محصوللار اورهتیلمهسی اوچون یئنی بیر قوروجولوق پروسهسینه باشلادیقلارینی و "بور آراشدیرما مرکزی" یارادیلماسینا یؤنهلیک ایشلرین داوام ائتدیگینی بیلدیردی.
بوردا محصول گلیشدیرمه و تیجاریلشدیرمه ایشلرینین سرعتله داوام ائتدیگینی بیلدیرن دؤنمز،
یوکسک تکنولوژی باخیمیندان حیاتی اهمیت داشییان الکتریکلی واسطهلر اوچون مسافه آرتیرماغا و اوچوش مدتینی آرتیرماغا یؤنهلیک بور اساسلی یئرلی یاناجاق باتری سیستملرینی ده اورهتمه نقطهسینده معین بیر نقطهیه گلمیشیک." ایفادهسینی ایستیفاده ائتدی.
دؤنمز، بورون اکینجیلیک سکتورونداکی ایستیفادهنین ده گون کئچدیکجه آرتدیغینی دیله گتیردی.
بورون بیتکیلرین بؤیومه و گلیشمهسینده اؤنملی رول اوینادیغینی بیلدیرن دؤنمز،
"بور بیتکیلرین سویوقلارا، خستهلیکلره و ضررلی نؤولره قارشی دؤزوملولوگونو آرتیراراق اکینجیلیک محصولونا ثمرهلی اؤنملی قاتقی وئریر. فرقلی محصوللاردا بور اویقولاماسینین کئچیریلدیگی پروژهلر نتیجهسینده ثمرهده یوزده 20لره یئتیشن آرتیم اولدوغونو موشاهیده ائتدیک. یورد خاریجینه 9 مین توندان چوخ بور کود ایخراج ائتمیشیک." دئدی.
دؤنمز، کئچن ایل بور ایخراجینین 1 میلیارد دولارین اوزرینده چیخدیغینا دقتی چکهرک،
بؤیلهجه خام ماده ساتان دئییل، ایشلنمیش اوچ محصول ایخراج ائدن بیر موقعیته چیخدیق. بو گون اعتباریله 110 اؤلکهیه بور ایخراج ائدیریک. بو رکوردو داها دا اینکیشاف ائتدیرمگی قارشیسینا مقصد قویوروق." دئیه دانیشدی.
یئرلی و میللی تمیزلیک مهصولو بورونون دا بازاردا اهمیتینین گئتدیکجه آرتدیغینی قئید ائدن دؤنمز،
پترول تؤرمهلری عبارت و اینسان ساغلاملیغینی بیرینجی پلاندا توتان بورون، میللتیمیزدن بؤیوک ماراق گؤردو. یالنیز بیر نئچه آی عرضینده 10 مین توندان چوخ محصول اورهتیلدی. چوخلو ایستک و ماراق سببیله اورهتیم موسسیسهمیزده گئنیشلندیرمه ایشلرینی ده داوام ائتدیریریک." ایفادهلرینی ایستیفاده ائتدی.