چاووش اوغلو:" اس-400 سیستم لری تامامیله تورکیه-نین نظارتینده اولاجاق"
ناتو-نون 70-جی ایلدؤنومو موناسیبتیله امریکانین پایتاختی واشینگتن-دا کئچیریلن ناتو خاریجی ایشلر ناظیرلری ییغینجاغینا قاتیلان خاریجی ایشلر ناظیری چاووش اوغلو تورکیه-دن مطبوعات منسوبلاری ایله بیر آرایا گلیب.
خاریجی ایشلر ناظیری مولود چاووش اوغلو تورکیهنین روسیادان آلاجاغی اس-400 هاوا مودافعه سیستملرینین تامامیله تورکیه-نین نظارتینده اولاجاغینی و بونلارین ناتو سیستملرینه و اف-35 ساواش اوچاق لارینا هر هانسی تهدید تشکیل ائتمهیهجگینی بیر داها خاطیرلادیب.
ناتو-نون 70-جی ایلدؤنومو موناسیبتیله امریکانین پایتاختی واشینگتن-دا کئچیریلن ناتو خاریجی ایشلر ناظیرلری ییغینجاغینا قاتیلان خاریجی ایشلر ناظیری چاووش اوغلو تورکیه-دن مطبوعات منسوبلاری ایله بیر آرایا گلیب.
امریکا خاریجی ایشلر ناظیری مایک پمپئو ایله گؤروشونو قیمتلندیرن چاووش اوغلو دئییب:
"امریکانین سوریه-دن چیخماسی و سوریه-نین قوزیی ینده قورولماسی پلانلاشدیریلان تهلوکهسیز بؤلگه موضوع لاری موذاکیره اولوندو. همین موضوع دا ایکی اؤلکهنین اورتاق وظیفه گوجونون امریکانین چیخما پروسه سینده کی کووردیناسیا فعالیتلرینی داوام ائتدیرمهسی بارهده راضیلیق الده ائدیلدی".
تورکیه ایله امریکا-نین اف-35 ساواش اوچاق لاری و اس-400 هاوا مودافعه سیستملری بارهده فرقلی دوشونجهلری اولدوغونو بیلدیرن چاووش اوغلو بو مسئلهنی ده موذاکیره ائتدیکلرینی سؤیلهییب.
تورکیه-نین چوخ طرفلی خاریجی سیاست ایزلهدیگینی ایفاده ائدن چاووش اوغلو بیلدیریب کی، بؤلگهمیزده روسیا ایله قونشویوق و بؤلگهده کی هر کس روسیادان گاز آلیر. روسیا بیزیم تیجارت طرفداشیمیزدیر. امریکا بیزیم ناتو متفیقیمیز. ناتو-نون دوغوداکی و قارا دنیزدکی بوتون عملیاتلارینی دستکلییریک. هر کسله یاخشی علاقهلریمیزین اولماسینی و بونلارین بالانسلی اولماسینی ایستییریک. موناسیبتیله هر هانسی شکیلده بیر سئچیم ائتمک مجبوریتینده دئییلیک.