تورکیهدن آمریکایا تپکی
"گؤروشمهده گوندمه بئله گلمهیهن قونولارا یئر وئردیگی گؤرولمکدهدیر"
تورکیه، آمریکا بیرلشمیش دؤولتلرینین، خاریجی ایشلر باخانی مؤولود چاووشاوغلو ایله آمریکالی قونومداشی مایک پومپئونون گؤروشمهسینه باغلی وئردیگی آچیقلامانین حقیقتی عکس ائتدیرمهدیگینی بیلدیردی. خاریجی ایشلر باخانلیغینین سؤزچوسو حامی آکسوی، چاووشاوغلو ایله پومپئو آراسینداکی گؤروشدن سونرا آمریکا بیرلشمیش دؤولتلری خاریجی ایشلر باخانلیغیندان وئریلهن آچیقلامایا باغلی یازیلی بیر جاواب وئردی.
آکسوی، وئردیگی آچیقلامادا،
"گؤروشمهیه باغلی اولاراق آمریکا خاریجی ایشلر باخانلیغی طرفیندن وئریلن و سؤز قونوسو گؤروشمهدن اول قلمه آلیندیغی بللی اولان آچیقلامانین گؤروشمهنین مضمونونو عکس ائتدیرمهدیگی کیمی گؤروشمهده گوندمه بئله گلمهیهن قونولارا یئر وئردیگی گؤرولمکدهدیر. داها اول گئچیریلهن گؤروشمهلرده ده بنزر پروبلئملرله قارشیلاشیلمیش اولوب، بو کیمی آچیقلامالارین داها دقتلی اولاراق ائدیلمهسی و اؤزللیکله گؤروشمهده یئر آلمایان مسئلهلرین ایچریسینه داخیل ائدیلمهمهسی، آرامیزداکی اتفاق ایلیشکیلرینین طبیعی بیر ضرورتیدیر" ایفادهلری ایشلهدیلدی.