حولوصی آکار قوزیی ماکئدونیانین مودافعه ناظیری ایله گؤروشدو
تورکیه‌نین میللی مودافعه ناظیری حولوصی آکار ماکئدونیانین فتح الله چی ترور تشکیلاتی (فتو) مسئله سینده لازیمی آددیم‌لار آتاجاغینا ایناندیغینی سؤیله‌دی.
تورکیه‌نین میللی مودافعه ناظیری حولوصی آکار ماکئدونیانین فتح الله چی ترور تشکیلاتی (فتو) مسئله سینده لازیمی آددیم‌لار آتاجاغینا ایناندیغینی سؤیله‌دی.
تورکیه-نین میللی مودافعه ناظیری حولوصی آکار رسمی سفرده اولدوغو قوزیی ماکئدونیانین پایتاختی ایسکوپیه-ده مودافعه ناظیرلیگینده باش ناظیرین معاوینی و مودافعه ناظیری رادمیلا شکرینسکا طرفیندن حربی مراسیمله قارشیلاندی.
ایکی طرف‌لی گؤروش‌دن سونرا هئیتلراراسی گؤروش‌لره ده باشچی‌لیق ائدن آکار و شکرینسکا بیرگه مطبوعات کنفرانسی تشکیل ائتدی‌لر.
آکار مطبوعات کنفرانسیندا ترور تشکیلات‌لاری ایله موباریزه مسئله سینه توخوندو، ماکئدونیادا فتو-نون بعضی قولدورباشی لارینین اولدوغونو سؤیله‌دی.
ان سون ترورچو ضرسیزلشدیریله‌نه‌ده‌ک تورکیه-نین موباریزه‌سی‌نین داوام ائدجگینی وورغولایان آکار: "بو مسئله ده تورکیه و ماکئدونیا اورقان‌لاری‌نین بیر سیرا فعالیت‌لری اولدو. قارشی‌داکی دؤورده داها کونکرت آددیم‌لارلا بو ترور بلاسیندان خلاص اولمامیز هر ایکی اؤلکه‌نین خئیرینه اولا‌جاق" دئدی.
حولوصی آکار قوزیی ماکئدونیانین ناتو عضو‌لوگونو دستکله‌دیک‌لرینی ده سؤیله‌دی.
رادمیلا شکرینسکا دا، قوزیی ماکئدونیانین ناتو-یا عضولوک پروسه نین بؤیوک حیسه‌سینی تورکیه-نین اونلارا قاپی‌لارینی آچدیغینا گؤره قت ائتدیک‌لرینی ایفاده ائده‌رک، تورکیه ایله قوزیی ماکئدونیانی گوج‌لو بیر دوستلوق و امکداش‌لیق بیرلشدیردیگینی وورغولادی.
مودافعه ساحه‌سینده امکداشلیغا توخونان شکرینسکا اردونون مدرنلشدیریلمه‌سی چرچیوه‌سیندکی ایمضالانمیش حربی موقاویله‌نین فوریه نین 5-ده قوه‌یه میندیگینی و خاریج‌دکی حربی میسیون لارین دا موفقیت‌لی امکداشلیغین ان یاخشی نومونه‌سی اولدوغونو سؤیله‌دی.
شکرینسکا تورکیه-ده کی حربی آکادئمی لرده تحصیل آلان حربی پرسنلین سایی‌نین 1200-و کئچدیگینی قئید ائده‌رک: "تورکیه-یه اؤلکه‌میزین ناتو-یا عضولوک پروتوکولونون ایمضالانماسی یولوندا وئردیگی دسته‌یه گؤره تشککوروموزو ایفاده ائتمک ایستییرم. بو، بیزیم اوچون اهمیت‌لی‌دیر" دئدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
