تورکیه ایله روسیا پاسپورت سوز سیاحتی موذاکیره ائدیر

خاریجی ایشلر ناظیری مولود چاووش اوغلو روسیا وطنداش‌لاری‌نین تورکیه-‌یه پاسپورت‌سوز، شخصیت وثیقه‌سیله سیاحت ائتمه‌سینه ایمکان یاراتماق اوچون ییغینجاق کئچیرمه‌یه باشلادیق‌لارینی سؤیله‌دی.

مولود چاووش اوغلو آنتالیادا قالایچی ساعت قولله‌سی یانیندا تشکیل ائدیلن ییغینجاقدا چیخیش ائدیب.

ویزا رژیمی‌نین لغوی اوچون سعی گؤستردیک‌لرینی و ایشلره سرعت وئردیک‌لرینی ایفاده ائدن چاووش اوغلو دئییب: "الکترون ویزا تطبیقینی باشلاتدیق. کافه ده اوتورارکن، تلویزیونا باخارکن الینیزده کی تلفون‌دان، بیلگی سایاردان 3 دقیقه ایچینده الکترون ویزانی آلا بیلیرلر. بعضی اؤلکه‌لر اوچون ده اؤن شرط‌لری لغو ائتمه‌یه باشلادیق. مثال اوچون چین. هیندیستانا ایستیقامت‌لی خصوصی فعالیت‌لریمیز وار، اورادا 14 بؤلگه‌ده ویزا اوفیس‌لری آچدیق. تورکیه-‌یه گلمک ایسته‌ین هیندلی‌لره آسان ویزا وئرمک ایستییریک."

بعضی اؤلکه‌لرله پاسپورت‌سوز سیاحتی رئاللاشدیردیق‌لارینی ایفاده ائدن چاووش اوغلو گورجوستان، اوکراینا و مولداوی-یه سیاحت‌لرین پاسپورت‌سوز رئاللاشدیریلدیغینی بیلدیریب.

روسیا وطنداش‌لاری‌نین اؤلکه‌میزه پاسپورت‌سوز، شخصیت وثیقه‌سیله گلمه‌سینه ایمکان یاراتماق اوچون ییغینجاق‌لارا باشلادیق‌لاری وورغولایان چاووش اوغلو "28 مارس دا روسیانین خاریجی ایشلر ناظیری سرگئی لاوروو آنتالیایا گلیر و آنتالیادا بون‌لاری دئتال‌لی بیر شکیلده گؤروشجییک. 8 آوریل ده ایسه بیرلیکده مسکوایا گئدجییک هم ایکی طرف‌لی یوکسک سویه‌لی ایستراتژی ایش بیرلیگی شوراسی توپلانتیمیزی تشکیل ائدجییک هم ده روسیا ایله ده مدنیت و توریزم ایلی باشلادی، اونون آچیلیشینی مسکوادا بیرلیکده ائدجییک. بون‌لارین هامی‌سی اؤلکه‌میزین تبلیغاتی و داها چوخ توریستین گلمه‌سی اوچون آتیلان آددیم‌لاردیر" دئییب.

چاووش اوغلو تورکیه-‌یه ساغلیق یا دا فرق‌لی مقصدله گلن توریست‌لرین داها اوزون مدت قالماق ایسته‌دیک‌لرینی و بو ایستیقامتده طلب‌لری اولدوغونو سؤیله‌ییب.

خصوصیله سویوق اؤلکه‌لردن گلن توریست‌لرین داها اوزون مدت تورکیه-‌ده قالماق ایسته‌دیک‌لرینی قئید ائدن چاووش اوغلو، مودتین بعضی اؤلکه‌لر اوچون 30 گون اولدوغونو، بونو 90 گونه چیخاردیق‌لارینی وورغولاییب.

90 گون‌دن آرتیق تورکیه-ده قالماق موضوع سونون ایسه قانون‌لار چرچیوه‌سینده تعیین اولوندوغونو بیلدیرن چاووش اوغلو "قانون ایله توریست‌لرین تورکیه-‌ده 90 گونلوک قالما مودتینی آرتیراجاغیق. صلاحیتین مدنیت و توریزم ناظیرلیگی ایله خاریجی ایشلر ناظیرلیگینده اولا‌جاق" دئیه سؤیله‌ییب.