ایبراهیم کالین‌دان فتو ایله موباریزه وورغوسو
پرزیدنت سؤزچوسو ایبراهیم کالین، فتح الله‌چی ترور تشکیلاتی فتو ایله موباریزه‌نی دونیانین هر یئرینده قطعیتله وئره‌جک‌لرینی سؤیله‌دی
پرزیدنت سؤزچوسو ایبراهیم کالین، فتح الله‌چی ترور تشکیلاتی فتو ایله موباریزه‌نی دونیانین هر یئرینده قطعیتله وئره‌جک‌لرینی سؤیله‌دی.
ایستانبول بؤیوکشهر بلدیه‌سی‌نین باشلاتدیغی "هئچ باغلانمایان کیتاب‌خانا پروژه‌سی" چرچیوه‌سینده، کیتاب‌خانا و موزه‌لر مودیرلیگینه باغلی کارتال معلم جؤودت کیتاب‌خاناسی‌نین ایستانبول‌لولارا 24 ساعت آرالیقسیز خیدمت وئرمه‌یه باشلاماسی سببین‌دن پروقرام تشکیل ائدیلدی.
پروقراما قاتیلان کالین، بورادا ژورنالیست‌لره ائتدیگی آچیقلامادا فتو ایله موباریزه موضوعسوندا قرارلیق‌لاری‌نین تام اولدوغونو ایفاده ائتدی.
کالین، "دونیانین هاراسیندا اولورلارسا اولسون‌لار، ان اوست مقامیندا ان آلت مقامیندا قدر بو خیانت شبکه‌سینه قارشی موباریزه‌میز قرارلی بیر شکیلده داوام ائده‌جک." دئدی.
کالین،
"بو گونه قدر دونیانین بیر چوخ اؤلکه‌لرینده اهمیت‌لی ایرلیلییش‌لر الده ائتدیک. دوست و موتتفیق اؤلکه‌لر بو فتو ترور تشکیلاتی‌نین یالنیز تورکیه‌ده دئییل، او اؤلکه‌لرده ده نئجه بؤیوک بیر تهدید میدانا گتیردیگینی قاوراماغا باشلادی‌لار. 20 اؤلکه‌ده فتو مکتب‌لری باغلانمیش و یا تورک معاریف واکفی‌نا تحویل وئریلمیش‌دیر
فتونون دینی، سوسیال و سیاسی زیان‌لاری‌نین هر کسه تانیندیغینی ایفاده ائده‌رک،
"بو یالان، خیانت و آزغین‌لیق شبکه‌سینه قارشی موباریزه‌میز قطعیتله هر سطح‌ده داوام ائده‌جک." شکلینه دانیشدی.
