اردوغان: چونکو تۆرک عینی تۆرکدور
"اونلار اوستوموزه آتدیقجا بیز میللت اولاراق داها بیرلشدیک، دؤولت اولاراق داها گوجلندیک"
جمهورباشقانی رجب طیب اردوغان، ظالملارا سسسیز قالمایان تورکیهنی ترورلا کونجه سیخیشدیرماق ایستهیهنلره یاخشی بیر درس وئردیکلرینی، وئرمهیه ده داوام ائدجکلرینی وورغولادی.
اردوغان کاستامونو قوزئیکنت میدانیندا خالقا سسلندی.
چیخیشیندا ترورلا مباریزهیه توخونان اردوغان، سون ایللرده بؤلوجو ترور هؤرگوتو پکاکایا، فتحاللهچی ترور هؤرگوتو کیمی استثمارچی بیر هؤرگوته، داعش کیمی پروژ هؤرگوته قارشی اوغورلو مباریزه آپاردیقلارینی دئدی.
اردوغان،
"۱۷ ایللیک اقتداریتیمیز بونلارلا موباریزه ایله گئچدی. گئچدییمیز هر انگلدن سونرا یئنیلری ایله قارشیلاشدیق. اؤلکهمیزی و میللتیمیزی هئچ راحت بوراخمادیلار. اونلار اوستوموزه آتدیقجا بیز میللت اولاراق داها بیرلشدیک، دؤولت اولاراق داها گوجلندیک" دئدی.
اردوغان، ارز سبدی و بهره اوزریندن تورکیهنی کونجه سیخیشدیرماغا چالیشانلارا، آلدیقلاری تدبیرلرله یاخشی بیر درس وئردیکلرینی بیلدیردی.
اقتصاددا تدبیرلر آلماغا داوام ائدجکلرینی ایفاده ائدن اردوغان،
"تورکیه اوزریندهکی حسابلار دونن نه ایسه بو گون ده عینیدیر. چونکو تۆرک عینی تۆرکدور، دوشمنلری ده عینی دوشمنلردیر. یئریمیزده سایدیغیمیز گون گئریلهمهیه باشلادیغیمیز گوندور" دئدی.
سناریولاری پوزاراق تورکیهنین گلهجگینی دوشدوکلرینی وورغولایان اردوغان،
"بیزه بونون اوچون دوشمن اولدولار. میللتیمیزله بیرلیکده اولدوغوموز اوچون دؤولتیمیزی آیاغا قالدیردیغیمیز اوچون بیزه دوشمن اولدولار. ظالملارا سسسیز قالمادیغیمیز، حاقسیزلیقلارینی اۆزلرینه دئدییمیز اوچون بیزه دوشمن اولدولار. اقتصادیمیزی گوجلندیرمیشیک، اویونلارینی پوزماقلا گلهجگیمیزی آیدینلاتدیق، بیزه بونون اوچون دوشمن اولدولار. معروض قالدیغیمیز بو دوشمنچیلیکلری حاق و میللت یانیندا برائت سندیمیز اولاراق گؤروروک" شکلینده دانیشدی.
ایلگیلیلی خبرلر
یاشار گولر لیبی ساوونما ناظیرینین معاوینی ایله گوروشوب
میللی ساوونما ناظیری یاشار گولر لیبی ساوونما ناظیرینین معاوینی عبدالسلام زوبینی قبول ائدیب.