آکسوی: فرانسادان آلاجاق درسیمیز یوخدور
"ارمنیلری ده قوللاناراق آنادولودا ائتدیگی ظلملر، الجزایرده تؤرتدیگی قیرغینلار و رواندا سوی‌قیریمین‌دا سوروملولوغو ایله تانیدیغیمیز فرانسا سیاستچیلرین‌دن آلیناجاق هئچ بیر درسیمیز یوخ"
خاریجی ایشلر باخانلیغی سؤزچوسو حامی آکسوی، فرانسا پرزیدنتی امانوئل مکرونون ۲۴ آوریلی قوندارما ارمنی سوی‌قیریمینی آنما گونو اعلان ائدجگینی آچیقلاماسینی ائلئشدیردی.
آکسوی،
"بیزیم، قورتولوش ساواشی دؤورون‌ده ارمنیلری ده قوللاناراق آنادولودا ائتدیگی ظلملر، الجزایرده تؤرتدیگی قیرغینلار و رواندا سوی‌قیریمین‌دا سوروملولوغو ایله تانیدیغیمیز فرانسانین کبرلی و تمل تاریخ بیلگیلرین‌دن یوخسون سیاستچیلرین‌دن آلیناجاق هئچ بیر درسیمیز یوخدور" دئدی.
خاریجی ایشلر باخانلیغی سؤزچوسو آکسوی، قونویا دایر بیر سوالا وئردیگی جاواب‌دا، ۱۹۱۵ حادثه‌لرینین حقوقی، تاریخی و آکادمیک اؤلچولری مشروع بیر دارتیشما قونوسو اولدوغونو فرانسا پرزیدنتی باش‌دا اولماقلا فرانسا مقاملارینا دفعه‌لرله هر سویه‌ده ایضاح ائدیلدیگینی، بونا باخمایاراق، فرانسا پرزیدنتی مکرونون، فرانسیز آنایاسا محکمه‌سی و آوروپا اینسان حاقلاری محکمه‌سینین قرارلارینی و تاریخی اولقولاری نظره آلمایاراق، ارمنی سئچیجیلرین‌دن سس آلماق اومودو ایله اونلارا وئردیگی وعدی یئرینه یئتیرمه‌یه چالیشدیغینین آنلاشیلدیغینی بیلدیردی.
آکسوی،
"عثمانلی تاریخین‌دن خبرسیز بیر سیاستچینین، فرانسیز و آوروپا حقوقونا اعتبار ائتمه‌مه‌سی و تورکلر اوچون سون درجه حساس اولان تاریخی بیر مسئله‌ده شخصی سیاسی چیخار اوغروندا بیر طرف‌لی توتوم آلماسی تاسف وئریجیدیر" ایفاده‌لرینی ایشلتدی.
۵۰۰ مین‌دن چوخ مسلمانین ارمنی عصیان‌چیلار طرفین‌دن قتله یئتیریلدیگی عثمانلی امپراتورلوغونون ییخیلیش دؤورونون بوتون یؤنلری ایله باشا دوشولمه‌سی اوچون اوبژکتیو یاناشمایا احتیاج اولدوغونا دقت چکه‌ن آکسوی، تاریخین بو آغیر دؤورونون آیرینلادیلماسینا بؤیوک اؤنم وئره‌ن تورکیه‌نین اورتاق تاریخ کمیسیونو قورولماسی تکلیفینین هله ده گئچرلی اولدوغونو وورغولادی.
ایلگیلی‌لی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو باره‌ده تورکیه-نین نقلیات و آلت یاپی ناظیرلیگیندن معلومات وئریلیب.
