اردوغان: "صبریمیز سرحدسیز دئییل"
جمهور باشقانی رجب طیب اردوغان بیر داها امریکانی سوریه-نین منبیچ بؤلگهسی بارهده وئردیگی وعدلری یئرینه یئتیرمهیه چاغیردی.
جمهور باشقانی رجب طیب اردوغان بیر داها امریکانی سوریه-نین منبیچ بؤلگهسی بارهده وئردیگی وعدلری یئرینه یئتیرمهیه چاغیردی.
جمهور باشقانی، عدالت و اینکیشاف پارتیسینین صدری رجب طیب اردوغان پارتیسینین تورکیه بؤیوک میللت مجلیسینده کی قروپ توپلانتیسیندا چیخیش ائتدی.
اردوغان چیخیشیندا امریکانی راضیلاشماغا اویغون اولاراق بولوجو ترور تشکیلاتی ی.پ.گ/پ.کا.کا-یا دستکینی کسمهسی و تروریستلرین بؤلگهدن چیخاریلماسی بارهسیندکی وعدلرینی یئرینه یئتیرمهیه چاغیردی.
تورکیه-نین سوریه-نین اراضی، سیاسی بوتؤولوگونه حؤرمت ائتدیگینی قئید ائدن اردوغان: "مشروعیتی اولان سوریه-لی موخالیفلرله اوتوروب گؤروشور، اونلارا یاردیم ائتمهیه چالیشیریق. تهلوکسیزلیگیمیزی تامین ائتمه ین یگانه یولو سوریه-ده ترور تشکیلاتلارینین فایدالاندیغی منبعلری قوروتماقدیر" ایفادهلرینی ایشلتدی.
تورکیه-نین داعش و پ.کا.کا، ی.پ.گ-یه ترور تشکیلاتلاری اولدوقلارینا گؤره قارشی چیخدیغینی وورغولایان اردوغان:"فرات چایینین دوغوسو و منبیچ سوریه گوندمیمیزین ان مهم مسئلهلریدیر. امریکا طرفیندن بیزه وئریلن وعدلرین یئرینه یئتیریلمهسینی گؤزلییریک. منبیچ مسئلهسی اورتادا قالدیقجا رژیمین بو بولگه یه اولان هوسی ده قاباریر. بو بؤلگهنین خالقی تورکیه-نین حمایهسینده اؤز گلهجکلرینه اؤزلری صاحب چیخماق ایستییر. بیزه گوونیرلر. پ.کا.کا، ی.پ.گ-نین بؤلگه خالقینا تطبیق ائتدیگی ظلم سببیندن اؤلکهمیزدکی سوریه-لیلر ائولرینه قاییدا بیلمیرلر. حربی حاضرلیقلاریمیزی دا داوام ائتدیریریک. امریکا بیزه وئردیگی سؤزو توتماسا، اؤز ایشیمیزی اؤزوموز گؤرجییک" ایفادهلرینی ایستیفاده ائتدی.
امریکا پرزیدنتی دونالد ترامپ ایله بو مسئلهلرله باغلی محصولدار و اومید وئریجی دانیشیقلار آپاردیقلارینی، لاکین آشاغی سویهدکی گؤروشلرده عینی ثمرنی الده ائده بیلمدیکلرینی وورغولایان اردوغان: "بو آنا قدر قارشیمیزدا قویولان کونکرت بیر پلان یوخدور. صبریمیز سرحدسیز دئییل. بیر نئچه هفته عرضینده تروریستلر منبیچ-دن چیخاریلماسا، گؤزلمه مودتیمیز سونا چاتاجاق، اؤز پلانلاریمیزی حیاتا کئچیرمک حاقیمیز دوغاجاق. بیچاق سومویه دیرننده گؤرجییمیز ایشلر اوچون هئچ کیمدن ایجازه آلماق، یا دا هئچ کیمه حساب وئرمک مجبوریتینده دئییلیک.
تحریم سیاهیسی دا داخیل اولماقلا، هئچ بیر حده-قورخو بیزی بو یولدان دؤندره بیلمز. بؤلگهدکی بوتون طایفهلار هر زامان بونو سوروشورلار. دانیشیقلاری آپاران شخصلره بوتون بو تاپشیریقلاری آچیق شکیلده وئردیم" شکلینده دانیشدی.