قالین: بورالارین کنترلو تورکیهده اولمالی
"بیزه گؤره، اسد رژیمی مشروعیتینی ایتیرمیش و گلهجگی وعد ائتمکدن اوزاق بیر رژیمدیر"
"تورکیهنین سوریهده منبج و فرات چایینین دوغوسوندا اساس گؤزلنتیسی، بؤلگهنین کنترلونون اؤزونده اولماسی".
جمهورباشقانلیغی سؤزچوسو ابراهیم قالین، باشکند آنکاراداکی حکومت توپلانتیسینین آردیندان وئردیگی آچیقلامادا،
"منبج و فراتین دوغوسوندا دا (ادلب) بنزر بیر مدلین تطبیق اولونماسی اوچون بیزیم اساس گؤزلنتیمیز، بورالارین کنترلونون تورکیهده اولماسی" ایفادهلرینی ایشلتدی.
قالین، بو بؤلگهدن تورکیهیه یؤنلیک هر هانسی بیر تهدیدین، ترور ریسکینین یئنیدن حوصوله گلمهسینه (اولوشماسینا) هئچ واخت ایمکان وئریلمهیهجگینی ده قید ائتدی.
جمهورباشقانلیغی سؤزچوسو قالین، تورکیه ایله آمریکا بیرلشمیش ایالتلری آراسینداکی منبج یول خریطهسی ایله باغلی بیر سوال اوزرینه،
"ایکی متفیق اولاراق آرتیق یول خریطهسینین تئزلیکله، داها چوخ گئجیکمه اولمادان حیاتا گئچیریلمهسی هم ایکیلی ایلیشکیلریمیز هم بؤلگهنین تهلوکهسیزلیگی، هم ده سوریهدهکی پروسه باخیمیندان بؤیوک اؤنم عرض ائدیر" دئیه دانیشدی.
قالین، آمریکا ایله "تهلوکهسیز بؤلگه" حاقیندا آنلاشما اولدوغو یؤنوندهکی خبرلرین ایسه حقیقتی عکس ائتدیرمهدیگینی بو قونودا مذاکیرهلرین داوام ائتدیگینی بیلدیردی.
سؤزچو قالین"
"بیزه گؤره، اسد رژیمی مشروعیتینی ایتیرمیش و گلهجگی وعد ائتمکدن اوزاق بیر رژیمدیر" ایفادهلرینی ده ایشلتدی.
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب