ملی گوونلیک شوراسی توپلاندی
آنکارادا حیاتا گئچیریلن توپلانتی ۵ ساعت سوردو
ایلین ایلک ملی گوونلیک شوراسینین توپلانتیسین‌دا، ترور هؤرگوتلری ایله مباریزه‌نین کسینتی‌سیز اولاراق داوام ائدجگی وورغولاندی.
جمهورباشقانی رجب طیب اردوغان باشقانلیغی ایله دونن آنکارادا حیاتا گئچیریله‌ن و سوریه‌ده‌کی گلیشمه‌لرین ده اله آلیندیغی توپلانتی ۵ ساعت سوردو.
توپلانتینین آردین‌دان یاییملانان بیلدیریده، تورکیه‌نین گوونلیگینی یاخیندان ایلگیلندیرن اؤتملی ایچ و دیش گلیشمه‌لرین بوتون یؤنلری ایله موذاکیره اولوندوغو و ۲۰۱۸.جی ایلین گوونلیک دگرلندیریلمه‌سینین ائدیلدیگی، ۲۰۱۹.جی ایلده میدانا گلمه‌سی مومکون ریسک و تهدیدلره قارشی علاوه تدبیرلرین توپلانتیدا موذاکیره ائدیلدیگی قید ائدیلدی.
تورکیه‌نین ملی بیرلیک و برابرلیگی ایله بقاسینی تهدید ائد‌ن فئتؤ، پ‌کاکا/پید-یپگ و داش باش‌دا اولماق اوزره، بوتون ترور هؤرگوتلرینه قارشی یورد ایچین‌ده و یورد دیشیندا ایجرا ائدیله‌ن عملیاتلار حاقین‌دا قورولا بیلگی وئریلدیگی بیلدیریله‌ن بیلدیریده، بو ایفاده‌لره یئر وئریلدی:
"ترورله مباریزه عملیاتی چرچیوهسینده گونئی سرحدلریمیزده سرحد گوونلیگینی تامین ائتمک و ترور هؤرگوتلرینین میلتیمیزین راحاتینی پوزماغا دایر یؤنتملرینه قارشی آلینان تاماملاییجی تدبیرلر اوزرین‌ده دورولموش، بوتون قوروم و قورولوشلاریمیزین بو قونودا درایتله حرکت ائتدیکلری ممنونیتله مشاهده ائدیلمیش‌دیر. ترورا و ترور هؤرگوتو منسوبلارینا وئریله‌ن خاریجی دستگین کسیلمه‌سی ایستیقامتین‌ده چاغریمیز بیر داها تکرارلانمیش، بوتون ترور هؤرگوتلری ایله مباریزه‌نین آرالیق‌سیز اولاراق داوام ائتدیریله‌جگی گوج‌لو شکیل‌ده ایفاده ائدیلمیش‌دیر.
بعضی اؤلکه‌لرین قاچاق ترور هؤرگوتو منسوبلارینی اعاده ائتمک‌دن چکینمه‌سینین قبول ائدیلمز اولدوغو بیلدیریله‌رک، اعاده‌لرین اولوسلارآراسی حقوقون و آنلاشمالارین گره‌گی اولدوغو وورغولانمیش‌دیر. تورکیه‌نین سوریه سرحدینی گوونلیک آلتینا آلماق اوچون داها اول حیاتا گئچیردیی عملیاتلاردا و یئریتدیگی دیپلوماسی ایله الده ائتدیگی مثبت نتیجه‌لر ده نظره آلینماقلا، ادلبده مؤوجود ایستاتوسونون قورونماسی، منبج یول خریطه‌سینین سرعتله حیاتا گئچیریلمه‌سی و فراتین دوغوسو ایله باغلی الده اولونموش آنلاشمالارین گره‌گینین ائدیلمه‌سی خصوصونداکی قرارلی توتوموموزون داوام ائتدیریله‌جگی بیلدیریلمیش‌دیر".
بوتون ترور هؤرگوتلرینه قارشی مباریزه‌نی سئچه‌ن تورکیه‌نین مقصدینین، سوریه‌‌نین سیاسی بیرلیگی ایله تورپاق بوتؤولویونون قورونوب ساخلاناراق، ائو و یوردلارینی ترک ائتمک مجبوریتین‌ده بوراخیلمیش میلیونلارجا سوریه‌لینین یئرلرینه قاییتمالارینی تامین ائتمک اولدوغو ایفاده ائدیله‌ن بیلدیریده، او بحرانینین آشیلماسین‌دا اؤنم‌لی رولا صاحب آنایاسا کمیته‌سینین یارادیلماسینین باریش و ثابت‌لیک اورتامینا بؤیوک قاتقی وئرجگینین بیر داها تصدیق ائدیلدیگی قید اولوندو.
بیلدیرده، قیبریس، دوغو آغ دنیز، اژه دنیزی و قارا دنیزده‌کی گلیشمه‌لرین یاخیندان ایزلندیگی، تورکیه‌نین اولوسلارآراسی انلاشمالاردان ایر‌لی گلن حقوق و منفعتلرینین قورونماسینا یؤنه‌لیک بوتون تدبیرلرین گؤرولمه‌سینه داوام ائدیله‌جگینین قووتله وورغولاندیغی قید ائدیلدی.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
