اردوغان:"سوریه-ده اینسانی مقصدله اولان یگانه اؤلکه تورکیه‌دیر"

جمهور باشقانی رجب طیب اردوغان سوریه-ده اینسانی مقصدله اولان یگانه اؤلکه‌نین تورکیه اولدوغونو سؤیله‌دی.

اردوغان آنکارادا قورو قوشون‌لار عذره حربی مکتبین "HGM Atlas " و " HGM Küre" تطبیق‌لری‌نین تقدیماتی مراسیمینده ایشتیراک ائتدی.

"بیزه 780 مین کیلومتر مربع لیک وطن تورپاق‌لاریمیز بس‌دیر" دئین اردوغان چیخیشیندا سوریه سرحدلرینده یارادیلماسی دوشونولن تهلوکه‌سیز بؤلگه ایله علاقه‌لی اولا‌راق تورکیه-‌نین ایشغال کیمی بیر دردی‌نین اولمادیغینی وورغولادی.

جمهور باشقانی اردوغان تورکیه-‌نین سوریا‌داکی عملیات‌لاری‌نین مقصدی‌نین اؤز سرحدلری‌نین تهلوکه‌سیزلیگی ایله یاناشی اورادا یاشایان بؤلگه خالقی‌نین دینج‌لیگینی تامین ائتمک اولدوغونو بیلدیردی.

جمهور باشقانی تورکیه-‌نین سرحد تهلوکه‌سیزلیگی اوچون تورکیه ایله سوریا آراسیندا 1998-جی ایلده ایمضا‌لانان آدانا راضیلاشماسی‌نین اهمیتینی ده وورغولادی.

اردوغان چیخیشیندا همچنین، دونیانین هاراسیندا اولماسینا باخمایا‌راق بوتون چئوریلیش‌لرین علیهینه اولدوق‌لارینی بیلدیردی.