خاریجی ایشلر ناظیرلیگی باش ساغلیغی وئردی
تورکیه خاریجی ایشلر ناظیرلیگی کرچ بوغازیندا ایکی گمی‌نین آلوولاندیغی حادثه‌ده حیاتینی ایتیرن تورک وطنداش‌لارینا الله‌دان رحمت دیله‌یه‌رک، یاخین‌لارینا باش ساغلیغی وئردی.
تورکیه خاریجی ایشلر ناظیرلیگی کرچ بوغازیندا ایکی گمی‌نین آلوولاندیغی حادثه‌ده حیاتینی ایتیرن تورک وطنداش‌لارینا الله‌دان رحمت دیله‌یه‌رک، یاخین‌لارینا باش ساغلیغی وئردی.
ناظیرلیک‌دن وئریلن یازی‌لی آچیقلامادا کرچ بوغازی یاخینلیغیندا ژانویه نین 21-ده "مائسترو" و "کندی" آدلی تانزانیا بایراق‌لی ایکی گمیده باش وئرن یانغیندا آرا‌لاریندا تورک وطنداش‌لاری‌نین دا اولدوغو هر ایکی گمی‌نین خدمه عضو‌لریندن هلاک اولان‌لارین اولدوغونون کدرله اؤیرنیلدیگی بیلدیریلیر.
ایلکین معلومات‌لارا گؤره، گمی‌لرده اولان 16 تورکیه وطنداشیندان 8-نین خلاص ائدیلدیگی، 4-نون ایسه هلاک اولدوغو قئید ائدیلن آچیقلامادا: "ایتکین دوشن دؤرد وطنداشیمیزین آختاریش‌لاری داوام ائدیر. بو بدبخت حادثه‌ده وفات ائدن وطنداش‌لاریمیزا الله‌دان رحمت، کدرلی عائله‌لرینه و یاخین‌لارینا صبر دیله‌یه‌رک باشساغ‌لیغی وئریریک. دیگر طرف‌دن، مرحوم لارین جنازه‌لری‌نین ان قیسا مودتده اؤلکه‌میزه گتیریلمه‌سی اوچون لازیمی ایشلری داوام ائتدیریریک" دئییلدی.
خاطیرلاداق کی، ژانویه نین 21-ده کرچ بوغازیندا تانزانیا بایراق‌لی ایکی گمی آراسینداکی یانا‌جاق ترانسفری زامانی یانغین چیخیب، حادثه‌ده 14 نفر هلاک اولوب، 12 نفر قورتاریلیب.
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
