جمهور باشقانی اردوغان دان تهلوکه سیز بولگه و ی.پ.گ/پ.کا.کا آچیقلاماسی
جمهور باشقانی رجب طیب اردوغان سوریه-ده مومکون اولان تهلوکه‌سیز بؤلگه یارادیلماسی لاییحه‌سینده ترور تشکیلاتی پ.کا.کا-نین بو اؤلکه‌دکی قولو اولان ی.پ.گ/پ.کا.کا-نین یئر توتا بیلمه‌یه‌جگینی بیلدیریب.
سوریه-ده مومکون اولان تهلوکه‌سیز بؤلگه یارادیلماسی لاییحه‌سینده ترور تشکیلاتی پ.کا.کا-نین بو اؤلکه‌دکی قولو اولان ی.پ.گ/پ.کا.کا یئر توتا بیلمز.
بونو جمهور باشقانی رجب طیب اردوغان صدری اولدوغو عدالت و اینکیشاف پارتیسی‌نین تورکیه بؤیوک میللت مجلیسینده کی قروپ ییغینجاغیندان سونرا تشکیل ائتدیگی مطبوعات کنفرانسیندا دئییب.
اردوغان ژورنالیست‌لره آچیقلاماسیندا بیلدیریب کی، امریکا پرزیدنتی دونالد ترامپ ایله دونن کئچیریلن تلفون دانیشیغیندا گوندمه گتیریلن سوریه-ده تهلوکه‌سیز بؤلگه تشکیل ائدیلمه‌سی فیکرینه توخونولدو. تورکیه‌نین بو دوشونجه‌سی امریکانین سابیق پرزیدنتی باراک اوبامایا دا تکلیف ائدیلمیشدی. امریکا سوریه-ده هاوا مکانینا نظارتی اله کئچیرسه بیز ده قورودان بوتون تهلوکه‌سیزلیگی تامین ائده بیلریک دئمیشدیک. اوباما بو موضوع دا لازیم اولان آددیم‌لاری آتمادی. اوبامانین تکلیفی 31 کیلومتر ایدی. منیم ده مثبت یاناشدیغیم بیر موضوع دور. بونونلا علاقه‌لی فعالیت‌لر آپاریلا بیلر بو مسافه 20 میل ده اوزادیلا بیلر.
تورکیه-نین توپ‌لو تیکینتی ایداره‌سی (توکی) واسطه‌سیله بو ایشه داخیل اولا بیله‌جک‌لرینی بیلدیرن اردوغان "لجستیکاولا‌راق مادی دستک‌لری ده بیزه وئرسه‌لر بئله بیر تهلوکه‌سیز بؤلگه نی یاراتمیش اولاریق. بو، کؤچه ده مانع اولار"دئیه بیلدیریب.
آنجاق تهلوکه‌سیز بؤلگه‌نین تروریستلره ترک ائدیله بیلمه‌یه‌جگینی وورغولایان اردوغان "ی.پ.گ/پ.کا.کا بئله بیر لاییحه‌ده یئر توتا بیلمز، اونلار تروریستلردیر. کوالیسیون قوه‌لریله حرکت ائدی‌لر" دئییب.
سوریه مسئله‌سی باره‌ده روسیا پرزیدتی ولادیمیر پوتین و ایران پرزیدنتی حسن روحانی ایله اوچ طرف‌لی گؤروشون گوندمده اولدوغونو ایفاده ائدن اردوغان روسیایا سفری‌نین آیین 23-ده باش توتا بیله جگی‌نین مومکون‌لوگونو دیله گتیریب.
