پ‌ی‌د‌نین تورکیه‌یه سیغینان سؤزچوسوندن اعترافلار

سوریه‌‌ده بیر مدت بؤلوجو ترور هؤرگوتو یپگ/پید/پ‌کاکانین سؤزچولوگونو ائتدیک‌دن سونرا بؤلگه‌دن قاچان طلال سیلو، تورکیه رادیو تلویزیون قورومو ت‌رت‌یه اؤنملی آچیقلامالار وئردی.

سیلو، اینگیلیزجه یایینی اولان ت‌رت وورلددا قاتیلدیغی پروگرام‌دا پ‌کاکالیلارین تورکیه‌ده حربی بؤلگه‌لره هوجوم ائدرکه‌ن چیخان چاتیشمادا پ‌کاکانین سوریه قولو یپگ/پیدنین چته باشیلارین‌دن شاهین جیلونون قورومالارین‌دان بیرینین ده اؤلدویونو دیله گتیردی.

سیلو، آمریکا بیرلشمیش دؤولتلرینین ترور هؤرگوتونه وئردیگی سلاحلارین پ‌کاکانین آنبارلارین‌دا و یا هؤرگوتون یووالاندیغی عراقین قندیل بؤلگه‌سین‌ده اولدوغونو دئدی.

سیلو، "من سلاحلاری آلماقلا وظیفه‌لی شخصلردن بیری ایدیم. تک گؤردوگوموز ایش کاغیذ ایمضالاماق. اسکی‌دن سلاحلاری آلیردیق، تروریستلر بوتون سلاحلاری اؤزل بیر آنبارا قالدیراردی. آمریکا بونو اینکار ائدیر. بو سلاحلاری گئری قایتاراجاغیمیزا دایر بیر کاغیذ ایمضالامامیشیق" دئدی.

آمریکا و باتی اؤلکه‌لرینین ترور هؤرگوتوندن ایستیفاده ائتمک ایستدیگینه ده دقت چکن سیلو، سؤزو سوریه‌ده بشار اسد رژیمی ایله ترور هؤرگوتو آراسین‌داکی ایلیشکییه گتیردی.

سیلو، "یپگ/پید/پ‌کاکا‌دا اولدوغوم گونلرده، بیر خالقلا ایلیشکی‌لر افیسی واردی. بو اوفیس پ‌کاکا ایله سوریه رژیمی آراسین‌دا بوتون ایلیشکی‌لری دوزنله‌ییردی. دونیانی گزه‌ن بوتون پ‌کاکا چته باشیلاری، سوریه پاسپورتو داشیییرلار. حاضردا پ‌کاکا ایله سوریه رژیمی آراسین‌دا کسیملیکله بیر ایش بیرلیگی وار" شکلین‌ده دانیشدی.

سیلو، یپگ/پید/پ‌کاکانین اوشاقلاری زورلا سلاح آلتینا آلدیغینی و دئموگرافیک قورولوشو گوج ایستیفاده ائد‌رک دییشدیردیگینی وورغولادی.

سیلو، "۱۲ یاشین‌دا بیر اوغلان اوشاغینی گؤر‌نده تعجبلندیم. شاهین جیلونون اطرافین‌داکیلارلا بیرلیک‌ده. منبجدن عرب قیزلار دا واردی. دئموگرافیک یاپینی دییشدیرمک مسئله‌سینه گلینجه ایکی بؤلگه‌ده اینسانلارین یئرلرین‌دن ائدیلدیگینی بیر چوخ دفعه گؤردوم. سلوک بؤلگه‌سی ده یئرله بیر ائدیلدی، تالان ائدیلدی" ایفاده‌لرینی ایشلتدی.

سیلو، عرب کندلرینین ده ترور هؤرگوتو طرفین‌دن یئرله بیر ائدیلدیگینی، خالقین بؤلگه‌دن سورولدویونو ده ایفاده ائتدی.