تورک هیاتی روسیادا
"بوتون ترور هؤرگوتلرینین سوریه تورپاقلاریندان تمیزلهنمهسی قونوسوندا اورتاق ایرادهمیز وار"
خاریجی ایشلر باخانی مؤولود چاووشاوغلو و میللی ساوونما باخانی حولوصی آخارین روس قونومداشلاری ایله سوریهدهکی پروسهلری اله آلدیقلاری توپلانتی روسیانین باشکندی موسکوادا گئچیریلدی.
گؤروشمهده چاووشاوغلو، آکار، میللی استخبارات تشکیلاتینین باشقانی حاکان فیدان و جمهورباشقانلیغی سؤزچوسو ابراهیم قالین، روس قونومداشلاری ایله موسکواداکی روسیا ساوونما باخانلیغیندا بیر آرایا گلدی.
توپلانتی اؤنجهسینده دانیشان چاووشاوغلو، تورکیه، روسیا و ایران آراسیندا آستانا فورماتیندا سوریه مسئلهسینده یاخین امکداشلیغین آپاریلدیغینی قئید ائدرک،
"بو سایهده سیاسی پروسهیه داخیل بیر چوخ ساحهده اؤنملی ایرلیلییشلر قید ائتدیک" دئدی.
سوریهدهکی سون پروسهلری قیمتلهندیرمک اوزره روسیایا گئتدیکلرینه ایشاره ائدن چاووشاوغلو،
"بوندان سونرا دا روس اورتاقلاریمیزلا سوریهده نهلر ائدهبیلهجگیمیزی دیرلندیرجییک. خصوصاً پرزیدنتیمیز رجب طیب اردوغان، روسیا ایله ایلیشکیلریمیزه بؤلگهسل مسئلهلرده چوخ اؤنم وئردیگی اوچون بیزی گؤندردی" دئیه دانیشدی.
روسیا ساوونما باخانی سئرگئی شویگو ایسه،
"ایدلیب ایله یاناشی، ایستانبولدا واردیغیمیز آنلاشمانین حیاتا گئچیریلمهسینی قیمتلندیرجییک. آیریجا آمریکانین سوریهدن چکیلمهسینی و فراتین دوغوسونداکی سون پروسهلری ده موذاکیره ائدجییک" ایفادهلرینی ایشلتدی.
روس طرفیندن شویگونون یانی سیرا خاریجی ایشلر باخانی سئرگئی لاوروو، باش قرارگاه رئیسی ژنرال والئری گئراسیموو و روسیا پرزیدنتی ولادیمیر پوتینین سوریه اؤزل نمایندهسی آلکساندر لاورنتیئوین ایشتیراک ائتدیگی گؤروشمه تخمیناً ۱ ساعات یاریم سوردو.
چاووشاوغلو، توپلانتی سونراسی وئردیگی آچیقلامادا،
"بوتون ترور هؤرگوتلرینین سوریه تورپاقلاریندان تمیزلهنمهسی قونوسوندا اورتاق ایرادهمیز وار" دئدی.
باخان چاووشاوغلو، سوریه و بؤلگهسل مسئلهلرده روسیا و ایرانلا یاخین امکداشلیق داوام ائدیلهجگینی دئدی.
خاریجی ایشلر باخانی چاووشاوغلو،
"بیز آستانا ضامنلری اولاراق، سوریهنین تورپاق بوتؤولویونو، سیاسی بیرلیگینی ساوونوروق و بونلارا خلل گتیرهجک بوتون چابالارا دا قارشیییق" ایفادهلرینی ایشلتدی.
روسیا خاریجی ایشلر باخانی سئرگئی لاوروو دا،
"سوریهده تروریست تهلوکهسینی آرادان قالدیرماق اوچون بیرلیکلریمیزین ایش بیرلیگی مسئلهسینده آنلاشدیق" دئیه دانیشدی.
لاوروو،
"سیغینماچیلارین اؤلکهلرینه قاییتماسی اوچون لازیم اولان شرطلرین تامین ائدیلمهسی مسئلهسینده چالیشمامیزی گوجلهندیرمک قونوسوندا آنلاشدیق" شکلینده دانیشدی.
ایلگیلیلی خبرلر
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی