جمهورباشقانی اردوغان‌دان سوریه آچیقلاماسی
"سایین ترامپلا ائتدیگیمیز دانیشمادا بیزه دئدی؛ بورادان سیز داعشی تمیزلر می‌سینیز؟"
جمهورباشقانی رجب طیب اردوغان، آمریکا بیرلشمیش دؤولتلرینین پرزیدنتی دونالد ترامپین اؤزونه "قالان داعش عنصورالرینی تمیزله‌ییب تمیزله‌یه‌ممه‌یه‌جکلرینی سوروشدوغونو، مثبت جاواب آلینجا دا اؤز عسگرلرینه سوریه‌دن چکیلمه امری وئردیگینی سؤیله‌دی.
پرزیدنت اردوغان، ایستانبول‌دا تورکیه‌نین ۵۰۰ بؤیوک خیدمت صادرات‌چی‌سی اؤدول مراسیمین‌ده دانیشدی.
چیخیشین‌دا ترامپ ایله سوریه مسئله‌سین‌ده ائتدیگی تلفن دانیشماسینا توخونان اردوغان،
"سایین ترامپلا دا ائتدیگیمیز دانیشمادا بیزه دئدی؛ بورادان سیز داعشی تمیزلر می‌سینیز؟ بیز تمیزلدیک، بون‌دان سونرا دا تمیزلریک. یئتر کی، سیزلر لجستیک اولاراق بیزه لازم اولان دستگی وئرین و آمریکا عسگرلری چکیلمه‌یه باشلادیلار. ایندی هدف بو دیپلوماتیک ایلیشکی‌لریمیزی ساغلام بیر شکیلده داوام ائتدیرمک، نئجه کی جرابلوسدا ۳ مین داعشلینی ائتکیسیز حالا گتیردیک‌سه، بون‌دان سونرا دا یئنه بو ترور قروپلارینی پ‌کاکا، پید، یپگ هامی‌سینی ائتکیسیز حالا گتیره‌بیله‌جک قابیلیته صاحب بیر اؤزگوز سوریه اوردوسونا و عسگرلره صاحیبیک" ایفاده‌لرینی ایشلتدی.
اردوغان، فرات چایینین دوغوسونا عملیاتا دایر،
"سایین ترامپلا ائتدیگیمیز تلفن دانیشیغی، آمریکا طرفین‌دن وئریله‌ن آچیقلامالار، بیزی بیر مدت داها گؤزله‌مه‌یه یؤنلتدی، البته، بو اوجو آچیق بیر گؤزله‌مه پروسه‌سی دئییل" دئدی.
اردوغان،
"یاخین آیلاردا سوریه ساحه‌سین‌ده هم پ‌کاکا/پید عنصورلارینی هم ده داعش قالیقلارینی اورتادان قالدیراجاق بیر عملیات طرزی ایزله‌یه‌جییک. بونون بیلینمه‌سی لازیم‌دیر" شکلین‌ده دانیشدی.
اردوغان،
"نهایت اؤتن گونلرده بو مؤوضوعدا بو آنا قدر کی ان آچیق و اومودوئریجی سؤزلری آمریکا رهبرلیگین‌دن ائشیتدیک. آتالاریمیز، سوتدن آغزی یانان قاتغی اوفله‌یه‌رک یئییرمیش دئمیش. بیز ده گئچمیش‌ده‌کی پیس تجروبه‌لریمیز گؤره، بو سؤزلری ممنونیتله بیر او قدر احتیاطلا قارشیلاییریق" ایفاده‌لرینی ایشلتدی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
