بینالی ییلدیریم ماجاریستاندا رسمی سفردهدیر
تورکیه بؤیوک میللت مجلیسینین صدری بینالی ییلدیریم ماجاریستاندا رسمی سفردهدیر.
تورکیه بؤیوک میللت مجلیسینین صدری بینالی ییلدیریم ماجاریستاندا رسمی سفردهدیر.
ییلدیریم ماجاریستانین پایتاختی بوداپست-ده پارلامئنتین صدری لازلو کوور ایله گؤروشدو.
پارلامئنتده کئچیریلن گؤروشدن سونرا ییلدیریم و لازلو کوور بیرگه مطبوعات کونفرانسی کئچیردیلر.
بینالی ییلدیریم کوورین تخمینن بیر آی اول تورکیه-یه سفر ائتدیگینی، او گون تورکیه-ماجاریستان موناسیبتلرینین موذاکیره اولوندوغونو، بو گون ده بوتون موضوع لار اطرافیندا فیکیر موبادیلهسی آپارماق فورصتی اولدوغونو سؤیلهدی.
18 دسامبرین تورکیه و ماجاریستان آراسیندا دیپلوماتیک علاقهلرین یارانماسینین 95-جی ایلدؤنومو اولدوغونو خاطیرلادان ییلدیریم بو سببدن بوگونکو سفرین داها معنالی اولدوغونو قئید ائتدی.
توکیه بؤیوک میللت مجلیسینین صدری ماجاریستان و تورکیهنین سیاسی و ایقتیصادی علاقهلرینی اینکیشاف ائتدیرمهیه داوام ائتدیررکن تاریخی باغلاری دا اونوتمادیقلارینیی قئید ائدهرک: "ناتو-دا دا ماجاریستان ایله برابریک. تورکیه-نین آوروپا بیرلیگینه عضولوک مسئلهسینده ماجاریستان اولیندن بری همیشه مثبت موضع توتور، بونا گؤره اونلارا تشککور ائدیریک" دئدی.
ماجاریستان و تورکیه آراسیندا سون دؤورده رسمی سفرلرین چوخالدیغینی، 24 ژوئن سئچکیلریندن سونرا پرزیدنت رجب طیب اردوغانین ایلک آوروپا بیرلیگی اؤلکهسی سفرینی اکتبر آییندا ماجاریستانا حیاتا کئچیردیگینی خاطیرلادان ییلدیریم: "من ده یئنی مجلیسین صدری کیمی یئنه ایلک سفریمی آوروپا بیرلیگی عضوو اؤلکهلریندن بیری اولان ماجاریستانا ائتدیم. بو سفرلر ده تورکیه-نین ماجاریستانلا موناسیبتلرینه نه درجهده اهمیت وئردیگینی گؤستریر" دئیه دانیشدی.
ییلدیریم گلن ایل پرزیدنت رجب طیب اردوغان و ماجاریستانین باش ناظیری ویکتور اوربانین صدرلیکلری ایله تورکیه-ماجاریستان یوکسک سویهلی ایستراتژی امکداشلیق شوراسینین کئچیریله جگی بارهده معلومات وئردی.
ماجاریستان پارلامئنتینین صدری کوور ایسه، تورکیه-ده بودجه موذاکیرهلریله باغلی مجلیسین گرگین ایش رژیمینده اولماسینا باخمایاراق، ییلدیریمین ماجاریستانا سفر ائتدیگینی و بو سفرین اونلار اوچن بؤیوک اهمیت کسب ائتدیگینی وورغولادی.
کوور18 دسامبردا تورکیه و ماجاریستان آراسیندا دیپلوماتیک علاقهلرین یارانماسینین 95-جی ایلدؤنومونون قئید اولوندوغونو، بو سببدن ییلدیریمین بوگونکو سفرینین سمبولیک معنا داشیدیغینی ایفاده ائتدی.
ماجاریستانین یوروتدوگو "دوغویا آچیلیم سیاستی"نده تورکیهنین واجیب بیر یئری اولدوغونو قئید ائدن کوور: "ویشئگراد دؤردلوسو" (لهستان، ماجاریستان، چکیا، سلوواکیا) و قونشو اؤلکهلردن باشقا، ماجاریستانین ان حرکتلی خاریجی علاقهلری تورکیه ایلهدیر. بو، بیر-بیریمیزه اولان سیمپاتیانین دا گؤستریجیسیدیر" دئیه دانیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.