تورکیه، یمن گؤروشمهلریندن ممنون
تورکیه، سوئدده بیرلشمیش میللتلر کونترولوندکی یمن دانیشیقلاریندا طرفلرین ایرلیلییشه نایل اولماسیندان دویدوغو ممنونیتی و بو دانیشیقلارا دستگینی بیلدیریب
تورکیه، سوئدده بیرلشمیش میللتلر (بمت) کونترولوندکی یمن دانیشیقلاریندا طرفلرین ایرلیلییشه نایل اولماسیندان دویدوغو ممنونیتی و بو دانیشیقلارا دستگینی بیلدیریب.
خاریجی ایشلر ناظیرلیگیندن ائدیلن یازیلی آچیقلامادا، یمنلی طرفلر آراسیندا 6-13 دسامبر 2018ده سوئده بیرلشمیش میللتلر تشکیلاتینین (بمت) حمایهسی آلتیندا کئچیریلن مصلحتلشمهلرده ایرلیلییش تامین اولونموش اولماسینین ممنونیتله قارشیلاندیغی بیلدیریلیب.
طرفلرین حدیده و تعزدکی وضعیتی یاخشیلاشدیرماغا دوغرو آددیملار آتیلماسیندا راضی قالمالارینین اؤنملی اولدوغو وورغولانان آچیقلامادا، مینلرله آدامی و عائله عضولرینی ماراقلاندیران زیندانی موبادیلهسینی بیر پروقرام ایچینده حیاتا کئچیرمک مسئلهسینده راضیلاشمیش اولمالارینین یانیسیرا سیاسی حلّه باغلی موذاکیره چرچیوهسی اوزرینده دانیشیقلارا داوام ائتمگی قبول ائتمهلرینین آیریلدیغی ایفاده ائدیلدی.
بیاناتدا،
"یمندکی بحرانین بیر آن اوّل حلّ اولونماسی و اهالینین دؤردده اوچوندن چوخو اینسانی یاردیما محتاج یمنلی قارداشلاریمیزین اضطرابینا سون قویولماسی اساس گؤزلنتیمیزدیر. ایسلام امکداشلیق تشکیلاتی ذیروه باشقانی اولاراق تورکیه، یمنده دایمی باریش و ثابتلیک اوچون بمت طرفیندن داوام ائتدیریلن تلاشلرا دستک اولماغی داوام ائتدیرهجک، یمن خالقی همرایلیک ایچینده حرکت ائدهجکدیر." ایفادهلری ایستیفاده ائدیلدی.
اوزون مدتدیر سیاسی غیری-ثابیتلیگین حؤکم سوردوگو یمنده، حوثیلر ایله قانونی حاکمیته باغلی گوجلر آراسیندا چاتیشمالار باش وئریر.
حوثیلر، سپتامبر 2014دن بو یانا پایتخت صنعا و بعضی بؤلگهلرین کونترولونو الینه آلارکن، سعودی عربیستانی رهبرلیگی آلتینداکی کوالیسیون گوجلری ایسه مارس 2015دن بو یانا حوثیلره قارشی یمن حکومتینه دستک وئریر.
اؤلکهدکی چاتیشما موحیطینین بیتیریلمهسی و سیاسی حلّ اولماسی اوچون بمت رهبرلیگی ایله موذاکیرهلر کئچیریلمیش، یمنلی طرفلر آراسینداکی دیالوق گؤروشمهلری، 2015ده سوئیسین بیل و ژنو شهرلری ایله 2016دا کویتده قوروجولوق 3ونجو تورون آردیندان ایفلاسا اوغرامیشدی.
ایکی ایل آرادان سونرا 6 سپتامبردا ژنوده کئچیریلمهسی پلانلاشدیریلان یمن موضوعسوندا مشورت ایجلاسلاری دا حوثیلرین قاتیلیمینین تامین اولونماماسی سببیندن اوغورسوزلوقلا نتیجهلنمیشدی.
ان سون 6 دسامبردا سوئیسده باشلادیلان یئنی بیر دانیشیقدا، یمنلی طرفلر اسیرلرین سربست بوراخیلماسی، حدیده شهرینده چاتیشمالارین دایانماسی، مرکزی بانکی، تعز شهرینین محاصیرهسی، موناقیشهلردن ضرر چکنلره اینسانی یاردیملارین چاتدیریلماسی و صنعا هاوا لیمانی اولماقلا 6 اساس مسئله اوزرینده موذاکیره ائدیب.
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب