تورکیه 26،5 میلیون نفره الکترون ویزا وئردی

تورکیه 2013-جو ایلدن اعتباراً 26،5 میلیون الکترون ویزا وئردی.

سرحد-کئچید منطقه‌لرینده و هاوا لیمان‌لاریندا یارانان قویروق لارین قارشی‌سینی آلماق اوچون حیاتا کئچیریلن الکترون ویزا (e-vize  ) مراجعت سیتمی‌نین ایشه باشلادیغی 17 آوریل 2013-جو ایل تاریخیندن بو یانا 29،8 میلیون مراجعت‌دن 26 میلیون 287 مینینه الکترون ویزا (e-vize ) وئریلیب.

تورکیه سیستمین تطبیق اولوندوغو ایلک گون‌دن اعتباراً الکترون ویزا-دان 605 میلیون 251 مین 887 دو‌لار گلیر الده ائدیب.

بو مودت عرضینده الکترون ویزا خیدمتیندن ان چوخ فایدا‌لانان اؤلکه‌لر آراسیندا اینگیلتره بیرینجی (7 میلیون 423 مین 658)، عراق ایکینجی (3 میلیون 329 بین 481) و هلند اوچونجو (2 میلیون 664 بین 881) یئرده‌دیر. دیگر اؤلکه‌لر ایسه سیرا ایله لهستان، بلژیک، سعودیه عربیستانی، چین، امریکا، نروژ و اطریش دیر.  

106 اؤلکه‌نین وطنداش‌لاری‌نین فایدا‌لانا بیلدیگی الکترون ویزا اوچون 9 دیلده (تورک، عرب، آلمان، اینگیلیس، ایسپان، فرانسیز، هلند، لهستان و چین دیل‌لرینده) خیدمت وئرن "www.evisa.gov.tr" اینترنت سایتی واسطه‌سیله مراجعت ائده‌رک 3 دقیقه عرضینده e-vize  آلماق اولار.