جمهور باشقانی اردوغان خاشقچی جینایتیندن دانیشدی
جمهور باشقانی رجب طیب اردوغان G 20 ذیروه سینده ایشتیراک ائتمک اوچون گئتدیگی آرژانتین-دن پاراگوئه-یه سفر ائدرکن مطبوعات نمایندهلری ایله گؤروشدو.
جمهور باشقانی رجب طیب اردوغان سعودیه-لی ژورنالیست جمال خاشقچی جینایتی ایله باغلی بمت-نین ده دؤورهیه گیرمهسینی تامین ائدهجکلرینی سؤیلهدی.
جمهور باشقانی رجب طیب اردوغان G 20 ذیروه سینده ایشتیراک ائتمک اوچون گئتدیگی آرژانتین-دن پاراگوئه-یه سفر ائدرکن مطبوعات نمایندهلری ایله گؤروشدو.
گؤروشده جمال خاشقچی جینایتینه توخونان اردوغان بو آچیقلامالاری وئردی: "چوخ گومان کی، قورخورلار، چکینیرلر. بو ایشلرله مشغول اولانلار بونو یاخشی بیلیرلر. لازیم گلرسه، اولوسلا آراسی محکمه نی آیاغا قالدیرماق اوچون بیرلشمیش میللتلر تشکیلاتینین دا دؤورهیه گیرمهسینی تامین ائدجییک. خاشقچی جینایتی دییرمی ماسا آرخاسیندا جدی شکیلده موذاکیره ائدیلمهلیدیر. لیدرلرین ذیروه سینده کانادا باش ناظیری بونون اوزرینده آز دا اولسا، دایاندی. لاکین سعودیه عربیستانینین ولیهد شاهزاده سی محمد بن سلمان وئردیگی جاوابدا: "جینایت ثابت اولمادیقجا، هئچ کیم گوناهلاندیریلا بیلمز" کیمی بیر ایفاده ایشلتدی. تأسف کی، بیزیم ده فورصتیمیز اولمادی. فورصت اولسایدی، من اورادا بوتون بو دلیللرین نلردن عبارت اولدوغو اوزرینده دایاناردیم و واجیبلیگینی اورتایا قویاردیم".
اردوغان سعودیه عربیستانی رهبرلیگینه مراجعتله: "خاشقچینین جسدی هارادادیر؟ بونو سیزین 20 نفرلیک قروپونوز بیلیر. بیلمهدیکلرینی سؤیلمهلری ایناندیریجی دئییل" دئدی.
خاطیرلاداق کی، اکتبرین 2-ده نکاح پروسه سی ایله باغلی اؤلکهسینین ایستانبولداکی باش کونسوللوغونا گئدن سعودیه ژورنالیستی جمال خاشقچی بورادا وحشیجهسینه اؤلدورولوب.