اردوغان، آتاتورکو آنما پروگرامیندا دانیشدی
"قندیل‌ده‌کی پ‌کاکانی ترور هؤرگوتو اعلان ائدیب، اؤدول قویانلارین آرخا پلان‌دا عینی تروریستلرله نئجه ایش توتدوقلارینی چوخ یاخشی بیلیریک"
جمهورباشقانی رجب طیب اردوغان، تورکیه‌نین، قوزئی عراق‌داکی ترور یووالارینی بیر بیر داغیداراق قندیلی ده سینجاری دا تروریستلرین باشینا ییخما یولون‌دا ایرلیلدیگینی دئدی.
بئش تپه میللت کنگره و مدنیت مرکزین‌ده ۱۰ نوامبر آتاتورکو آنما پروگرامیندا دانیشان اردوغان، تورک میللتینین، چئوریلیش‌لره و هر جور اویونلارا باخمایاراق ایراده‌سینه صاحب چیخدیغینی، سؤزون ده قرارین دا اؤزونه عاید اولدوغونو اورتایا قویدوغونو ایفاده ائتدی.
تورکیه‌نین انسانی یاردیملاردا میللی گلیره گؤره دونیادا بیرینجی اولدوغونو بیلدیره‌ن اردوغان،
"بیزیم بو سعیلریمیزه نئجه قارشی‌لیق وئریلیر. سرحد بویو سرحدلریمیزده ترور دهلیزلری یاراداراق بو موباریزه‌میزه انگل اولماغا چالیشیرلار. گؤرونورده قندیل‌ده‌کی پ‌کاکانی ترور هؤرگوتو اعلان ائدیب، اؤدول قویانلارین آرخا پلان‌دا عینی تروریستلرله نئجه ایش توتدوقلارینی چوخ یاخشی بیلیریک" دئدی.
دونن گئجه حکارینین شمدین‌لی ائلچه‌سینده بیر مهمات آنبارین‌داکی پاتلاما سببی ایله ۴ عسگرین شهید اولدوغونو،۲۰ یاخین عسگرین ده یارالاندیغینی بیلدیره‌ن اردوغان، شهیدلره الله‌دان رحمت، یارالیلارا دا شفالار دیله‌دی.
اردوغان، تورکیه‌نین، باتینین قاپی‌سین‌دا گؤزله‌یه‌رک دئییل، اؤز اثرلرینی، تکنولوژی‌سینی اوره‌ترک معاصر مدنیتلر سویه‌سینه چیخاجاغینی قید ائتدی.
اردوغان، پروگرام سونراسی و فرانسایا حرکتین‌دن اول وئردیگی آچیقلاما‌دا دا، حکاری‌ده مهمات آنبارین‌داکی پاتلاما‌دا اؤلن عسگرلرین ساییسینین ۷یه یوکسلدیگینی، ۲۵ عسگرین ده یارالی اولدوغونو دئدی.
