اردوغان، ترامپ ایله دانیشدی
"ایکی لیدئر اؤزللیکله سوریه‌ده‌کی ایش‌بیرلیگی مسئله‌سین‌ده بیرلیک‌ده چالیشما آرزوسونو اله آلدیلار"
جمهورباشقانی رجب طیب اردوغان ایله آمریکا پرزیدنتی دونالد ترامپ، تلفن‌دا دانیشدی.
جمهورباشقانلیغی مطبوعات مرکزین‌دن وئریله‌ن معلوماتا گؤره، دانیشیقدا ایکیلی مسئله‌لر و سوریه‌ده‌کی حادثه‌لر مذاکیره ائدیلدی، منبج و ادلب ایله باغلی دوزنله‌مه‌لره توخونولدو.
تورکیه و آمریکا آراسینداکی ایکیلی ایلیشکیلری داها دا گوجله‌ندیرمه‌یه یؤنه‌لیک یاپیجی آددیملار آتما قونوسون‌داکی عزمینی وورغولایان ایکی لیدئر، ایستر ایکیلی، ایستر بؤلگه‌سل مسئله‌لرده، اؤنوموزده‌کی سوره‌جده یاخین تماس‌دا اولما خصوصون‌دا آنلاشدی.
پرزیدنت اردوغان، آیریجا هفته باشین‌دا، پیتسبرگ شهرین‌ده‌کی کنیسه‌یه ائدیله‌ن سالدیرینی قینایاراق حادثه‌ده اؤلنلرین یاخینلارینا و آمریکا خالقینا باش ساغلیغی، یارالیلارا عاجل شفا دیله‌دی.
پرزیدنت اردوغان ایله آمریکا پرزیدنتی ترامپ آراسینداکی تلفن دانیشیغینا دایر آغ ائو ایسه،
"ایکی لیدئر اؤزللیکله سوریه‌ده‌کی ایش‌بیرلیگی مسئله‌سین‌ده بیرلیک‌ده چالیشما آرزوسونو اله آلدیلار" آچیقلاماسینی ائتدی.
آغ ائو سؤزچوسو سارا سندرز، وئردیگی یازیلی آچیقلامادا،
"باشقان (دونالد تروامپ)، تورکیه پرزیدنتی (رجب طیب) اردوغان ایله دانیشدی. ایکی لیدئر اؤزللیکله سوریه‌ده‌کی ایش‌بیرلیگی مسئله‌سین‌ده بیرلیک‌ده چالیشما آرزوسونو اله آلدیلار. پرزیدنت اردوغان، پیتسبرگداکی سیناقوق‌دا باش وئره‌ن تراژیک اولای اوچون باش ساغلیغی دیله‌دی" ایفاده‌لرینه یئر وئردی.
