چاووش اوغلو:"تورکیه ایله قطر آراسینداکی علاقهلر هر ساحهده مکمل سویهدهدیر"
خاریجی ایشلر ناظیری مولود چاووش اوغلو قطر-ین باش ناظیر معاوینی و خاریجی ایشلر ناظیری محمد بن عبدالرحمان آل ثانی ایله هئیتلر آراسیندا کئچیریله گؤروشده ایشتیراک ائدیب.
![چاووش اوغلو:"تورکیه ایله قطر آراسینداکی علاقهلر هر ساحهده مکمل سویهدهدیر"](http://cdn.trt.net.tr/images/xlarge/rectangle/fc1f/c5e8/d50d/5bdbef63a47aa.jpg?time=1718916255)
خاریجی ایشلر ناظیری مولود چاووش اوغلو قطر-ین باش ناظیر معاوینی و خاریجی ایشلر ناظیری محمد بن عبدالرحمان آل ثانی ایله هئیتلر آراسیندا کئچیریله گؤروشده ایشتیراک ائدیب.
تورکیه ایله قطر آراسینداکی علاقهلر هر ساحهده مکمل سویهدهدیر.
بونو خاریجی ایشلر ناظیری مولود چاووش اوغلو قطرین پایتاختی دوحه-ده کی گؤروشلری زامانی دئییب.
چاووش اوغلو بو اؤلکهنین باش ناظیر معاوینی و خاریجی ایشلر ناظیری محمد بن عبدالرحمان آل ثانی ایله هئیتلر آراسیندا کئچیردیگی گؤروشده قطره سفریندن دویدوغو ممنونیتی دیله گتیرهرک دئییب کی، قطر-ین موختلیف ساحهلرده اؤز-اؤزونه کیفایت ائده بیلمهسی اوچون ایقتیصادیاتینی گوجلندیردیگینی موشاهیده ائتدیک. بو دا بیزی سئویندیردی.
دوحه-ده کئچیریلن عالی ایستراتژی کومیته ییغینجاقلارینا توخونان چاووش اوغلو "هله آتیلمالی آددیملاریمیز، چاتاجاغیمیز هدفلریمیز وار" دئییب.
بو چرچیوهده ایکی اؤلکهدن متخصصلری داها اول اکتبرین اولینده آنکارادا بیر آرایا گلهرک دانیشیقلار کئچیردیکلرینی خاطیرلادان مولود چاووش اوغلو بو سفری زامانی دا عالی ایستراتژی کومیتهنین نوبتی ییغینجاغینین حاضرلیقلارینی تاماملایاجاقلارینی وورغولاییب و بو پروسه سده یئنی سازیشلر ایمضالاناجاغینی دیله گتیریب.
قطرین خاریجی ایشلر ناظیری آل ثانی ایسه، ایکی دوست اؤلکه آراسینداکی علاقهلری داها دا اینکیشاف ائتدیرمک ایسته دیکلرینی ایفاده ائدهرک، تورکیه-قطر علاقهلرینین بو سویهیه چاتماسیندا ایکی اؤلکه لیدرلرینین اوینادیغی رولا دقت چکیب.
"بؤلگهنین قارشی-قارشییا اولدوغو وضعیت ایکی دوست اؤلکه آراسینداکی کؤکلو اولان بو موناسیبتلرین قورونماسی و داها دا اینکیشاف ائتمهسینی واجیب حالا گتیریر" دئین آل ثانی عالی ایستراتژی کومیته ییغینجاقلارینین ایکی اؤلکه آراسینداکی سیاسی، ایقتیصادی، سرمایه قویولوشو و دیگر ساحهلرده امکداشلیغین گوجلنمهسینه تحفه وئردیگینی سؤیلهییب.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718916255)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب