آمریکادان تورکیه آچیقلاماسی

آمریکا، "ناتو عضوو و داعش قارشیدی کوالیسونون اؤنملی اورتاغی، متفیق تورکیه‌نین سینیر گوونلیینه باغلی اولدوغونو" بیلدیردی.

آمریکا خاریجی ایشلر باخانلیغینین سؤزچو یاردیمچیسی رابرت پالادینو، کامئرالارا قاپالی مطبوعات کنفرانسیندا بعضی مسئله‌لره دایر آچیقلامالار وئردی.

سوریه‌نین قوزئیینه هر هانسی بیر طرفین سالدیرما‌سینین بؤلگه‌ده آمریکالی عسگرلرین ده اولابیلمه احتیمالین‌دان دولایی اؤزلرینی قاییغیلاندیردیغینی بیلدیر‌ن پالادینو،

"(تورکیه‌نین) تهلوکه‌سیزلیک قاییغیسینا دایر آمریکا ایله تورکیه آراسین‌دا دوزنلی ایش‌بیرلیگی و مشورت آپاریلماسی داها یاخشی بیر یاناشیمدیر" دئدی.

پالادینو، منبج یول خریطه‌سینی اؤرنک وئره‌رک، آمریکا ایله تورکیه‌نین منتظم ایش بیرلیگی و مشاویره‌لرینی داوام ائتدیردیگینی، آکتیو بیر شکیل‌ده یان یانا تعلیملره داوام ائتدیگینی دئدی.

پاللادینو، تورک سلاح‌لی گوج‌لرینین، حلبه باغلی عین العربده‌کی ترور هؤرگوتو ی.پ.گ/پ‌کاکایا عاید مؤوضعلری وورماسی سببیله، هؤرگوتون داعشله ساواشما‌نی دوردوراجاغی آچیقلاماسینا یؤنه‌لیک سوالا،

"تورکیه ناتو عضوو و داعش قارشیدی کوالیسیونون اؤنملی اورتاغی‌دیر. متفیقیمیزین سرحد تهلوکسیزلیینه باغلیییق" جاوابینی وئردی.