ایستانبول هاوا لیمانی آچیلدی

جمهور باشقانی رجب طیب اردوغان ایستانبول-دا یئنی اینشا اولونان، دونیانین ان بویوک هاوا لیمانی نین آدی نین ایستانبول اولدوغونو بیلدیردی.

جمهور باشقانی اردوغان آچیلیش مراسیمده چیخش ائده ره ک ایستانبول هاوا لیمانی نین تورکیه و دونیا اوچون خیرلی اولماسینی آرزو ائتدی.

جمهور باشقانی بو محتشم گونده تورکیه-نین یانیندا یئر آلان 50-یه یاخین اولکه دن گلن قوناق لارا تشککور ائتدی.

آچیلیش مراسیمینده آلبانیا پرزیدنتی ایلیر متا، قطر امیری شیخ تمیم بن حامد آل ثانی، قیرقیزیستان پرزیدنتی سورونبای جینبکوف، کوزوو پرزیدنتی هاشم تاچی ، قوزیی قیبریس تورک جمهوریتی‌نین پرزیدنتی مصطفی آکینجی، مقدونیه جمهوریتی‌نین پرزیدنتی جورج ایوانوو، مولدوی پرزیدنتی ایگور دودون، پاکیستان پرزیدنتی عارف علوی، صربیستان پرزیدنتی آلکساندر ووویچ، سودان پرزیدنتی عمر حسن احمد البشیر، بوسنی و هرزگوین ناظیرلر شوراسی‌نین صدری (باش ناظیر) دنیس زویزدیج ، بولقاریستانین باش ناظیری بویکو بوریسوو، کنگو دموکراتیک جمهوریتی‌نین باش ناظیری‌نین معاوینی، سلووونی باش ناظیری‌نین معاونی و آلت یاپی ناظیری آلنکا براتوسک معاوینی، گورجوستان خاریجی ایشلر ناظیری دیوید زالکالیانی (هئیت صدری)، ایران خاریجی ایشلر ناظیری جاواد ظریف، مولدوی نوماینده هئیتی‌نین صدری، قاقاوز موختار ویلایتی‌نین باشچی‌سی ایرینا ولاح ایشتیراک ائتدی.

آچیلیش مراسیمیندن اول تورکیه بویوک میللت مجلیسی نین صدری بینالی ییلدیریم، قورولوشوموزون 95-جی ایلینده جمهوریتین شانینا یاراشان بو اثر اولکه میز، میللتیمیز و بولگه میز اوچون خیرلی اوغورلو اولسون، دئدی.

باشا چاتاندا دونیانین ان بؤیوک هاوا لیمانی اولا‌جاق ایستانبول‌داکی یئنی هاوا لیمانی‌نین ایلکین مرحله‌سی‌نین آچیلیشیندا یئرلی و اولوسلار آراسی مئدیا قوروم‌لاری دا وار ایدی.

آچیلیش اوچون هاوا لیمانینا گلن قوناق‌لاری کلاسیک تورک صانات لارینداکی بیر چوخ طرح دن الهام آلاراق اورتایا چیخاران ایستیلیست اتتوره بیلوتتا-یا عاید یئنی یونیفورمالاری ایله تورک هاوا یول لارینین کابین مامورلاری قارشیلادی.

تورکیه‌نین کئچمیش باش ناظیرلردن اولان تانسو چیللر، حیات یولداشی اؤزر چیللر، تورکیه فوتبول فدراسیونونون صدری ییلدیریم دمیراؤرن، او جمله‌دن، سیاست، اینجه صعنت، ایدمان و ایش دونیاسی‌نین چوخ سایدا دعوت‌لی‌لری ده هاوا لیمانینا گلیب.

فنر روم پاتریارخی بارتولوموس، تورکیه یهودی لری باشچی‌سی اسحاق هالئوا، سوریانی ارتودوکس کیلسه‌سی بنؤوشیی فیلیکسینوسو متروپولیت یوسوف چتین ده آچیلیشدا ایشتیراک ائتدی. 

76.5 میلیون متر مربع ساحه ده اینشا اولونان ایستانبول یئنی هاوانی نین ایلک مرحله سی نین آچیلیشی اوچون 6 میلیون یورو سرمایه قویولوب.

هاوا لیمانی نین دیگر مرحله لری ده یولجو آرتیشینا باغلی اولاراق 2023-جی ایلده باشا چاتاجاق.

هاوا لیمانی تاماملاندیغنیدا 6 موستقیل پیستی، 500 اوچاق پتانسیلی، 70 مین ماشین توتوملو آچیق و قاپالی پارک یئری و ایللیک 200 میلیون یولجو پتانسیلی ایله دونیانین ان بویوک هاوا لیمانی اولاجاق.

ایچ خط لرده ایلک اوچوش اکتبرین 30-دا آنکارا-دان، نوامبرین بیرینده آنتالیا-دان و نوامبرین 2-ده ده ایزمیردن حیاتا کئچیریله جک.  

خاریجه ایلک سفرلر ایسه نوامبرین بیرینده قوزیی قیبریس تورک جمهوریتینه و نوامبرین 8-ده آذربایجانا اولاجاق.

هاوا لیمانی 250 هاوا یول شیرکتینه خدمت گوستره جک.

تهلوکه سیزلیگی یوکسک سویه ده اولان و سون تکنولوژی لر ایله تامین اولونان یئنی هاوا لیمانیندا ایلک دفعه یئر رادارلاردان ایستیفاده اولونوب.