ایستانبولدا اردوغان، پوتین، ماکرون و مرکل ایله بیرگه مطبوعات کونفرانسی کئچیریلیب
تورکیه جمهوی باشقانی رجب طیب اردوغان، تورکیه سرحدینده ترورا ایجازه وئرمهیهجکلرینی سؤیلهدی
![ایستانبولدا اردوغان، پوتین، ماکرون و مرکل ایله بیرگه مطبوعات کونفرانسی کئچیریلیب](http://cdn.trt.net.tr/images/xlarge/rectangle/6fa0/6d0b/71c3/5bd5535752c82.jpg?time=1719011206)
تورکیه جمهوی باشقانی رجب طیب اردوغان، تورکیه سرحدینده ترورا ایجازه وئرمهیهجکلرینی سؤیلهدی.
ایستانبولدا کئچیریلن سوریه موضوعسوندا دؤردلو ایجلاس گؤروشمه'سینین آردیندان روسیا پرزیدنتی ولادیمیر پوتین، فرانسا پرزیدنتی امانوئل ماکرون،
و آلمانیا باش ناظیری آنگلا مرکل ایله بیرگه مطبوعات کونفرانسی کئچیریلیب.
ایجلاسدا دانیشان اردوغان،
هدفیمیز"، بؤلگه'ده تام اولاراق آتشکسین تامین اولونماسی و حاکم اولماسی، آخان قانین بیر آن اوّل دایاندیریلماسی" - دئدی.
اردوغان، سوریه موناقیشهنین قلوبال بیر پروبلم حالینا چئوریلمهسینین ان اهمیتلی سببینین، اولوسلار آراسی بیرلیگین مسئله کیفایت قدر ییلنممهسی اولدوغونو دئدی.
اردوغان،
سوریه خالقینین قانونی طلبلری ایستیقامتینده بیر سیاسی حلّ ائدیلمهسینی، اؤلکهده ثابیتلیگین برقرار اولماسی نقطهسینده نلر ائدیله بیلر، بونلاری موذاکیره ائتمک ایمکانی تاپدیق. چوخ اوزون بیر دؤور سوریه بحرانیندان قایناقلانان سیخینتیلارین یوکونو، سوریهلی وطنداشلارلا قونشو اؤلکهلر، چکمک مجبوریتینده قالمیشدیر. بو گون فرانسا و آلمانیانین دا قاتیلیمی ایله آستانادا الده ائدیلن انرژی داها ایرهلی آپارابیله'جگیمیزی گؤردوک" دئدی.
بیر چوخ اؤلکهنین، سوریهدکی وضعیتین وخامتینی، بحرانینین تأثیرلری سرحدلرینه چاتاندا درک ائتدیگینی وورغولایان اردوغان، بو لاقئیدلیگه سون وئریلمهسی لازیم اولدوغونو سؤیلهدی.
اردوغان،
گئرک 4 اؤلکه آراسیندا، ایسترسه ده اولوسلار آراسی جمعیت سویهسینده امکداشلیغین آرتیریلماسی مسئلهسینده راضی قالدیق. آنایاسا (سوریه'ده) کومیتهسینین تشکیلات پروسه'سینین ان قیسا مدتده شرطلری گودهرک، تاماملانماسی دعوت ائتدیک" دئدی.
ایجلاسدا سوریه منشألی ترور تهدیدینی اله آلدیقلارینی و امکداشلیغین آرتیریلماسی موضوعسوندا راضی قالدیقلارینی ایفاده ائدن اردوغان، تورکیهنین ترور تشکیلاتلاریندان ان چوخ ضرر گؤرن اؤلکهلردن بیری اولدوغونو دئدی.
پرزیدنت اردوغان،
سوریه'ده فیرات قالخانی و زیتون دالی عملیاتلارینی یئرینه یئتیردیک، 4 مین کیلومتر مربع ساحهنی امن بؤلگه ائتدیق. سرحدده ترور تشکیلاتلارینین پالازلانماسینا یول وئرمریک. بؤلگه'ده یئنی امیرلری قبول ائتمیه'جگیک" شکلینده دانیشدی.
ایجلاسدا سوریه خالقینا اینسانی یاردیم مسئلهسینده راضی قالدیقلارینی بیلدیرن اردوغان، تورکیهنین، 3.5 میلیون سوریهلییه ائو صاحبلیگی ائتدیگینی سؤیلهدی.
اردوغان،
ایجلاس ایشتیراکچیلاری اولاراق تلاشلاریمیزی آترتیراجاغیمیزا اینانیرام. تورکیه اولاراق پروبلمه حلّ تاپماق اوچون قرارلیلیغیمیزی داوام ائتدیرجگیک. بو گؤروشمهلردن ایرانی دا معلوماتلاندیراجاغیق. قرارلیلیقلا سوریه خالقی ایله همرایلیگین لازیمیدیر" ایفادهلرینی ایستیفاده ائتدی.
بیرگه مطبوعات کونفرانسیندا دانیشان ایکی لیدر روسیا پرزیدنتی ولادیمیر پوتین، سوریه'ده حلّین آنجاق دیپلوماسی یولو ایله مومکون اولا بیله'جگینی سؤیلهدی.
پوتین، سوریه مسئلهسینده اولوسلار آراسی جمعیتین ال-اله تلاش صرف ائتمهسی لازیم اولدوغونو بیلدیریب.
فرانسا پرزیدنتی امانوئل ماکرون ایسه
"سوریه خالقی اؤز گله'جگی حاقیندا سؤز حاقینا صاحب اولمالیدیر" دئدی.
ماکرون، هم بؤلگهده، هم ده دونیانین دیگر یئرلرینده شیمیایی سیلاحلارین ایستیفاده ائدیلمهسینین، کیم ایستیفاده ائدرسه ائتسین قبول ائدیله بیلمیه'جگینی ایفاده ائتدی.
آلمانیا باش ناظیری آنگلا مرکل ده ایجلاسدا قاچقینلارین اؤلکهلرینه قاییتماسی مسئلهسینی موذاکیره ائتدیکلرینی وورغولاییب،
"بیرلشمیش میللتلر (بمت) ایله بو مسئلهده چوخ امکداشلیق ائدیلمهلی. گئری قاییدانلارین حبس اولونماماسی، اینسانی یاپینین یئرینه یئتیریلمهسی لازیمدیر. سیاسی پروسه'سین بو زاماندا تاپیلماسی واجیبدیر. ایدلیب بحرانینین باریش، اینسانی پروبلم اولمادان حلّ ائدیلمهسی لازیمدیر" شکلینده دانیشدی.
دیگر طرفدن، مطبوعات کونفرانسیندا سواللاری جوابلاندیران اردوغان، سودیه ژورنالیست جمال قاشیقچی-نین اؤلدورولمهسی مسئلهسینده لیدرلره معلوماتلاندیرما ائدیلیب ائدیلمه'مه'سی قونوسوندا بیر سوال اوزرینه،
رحمتلی جمال قاشیقچی ایله علاقهدار اولاراق ایکیطرفلی گؤروشمهلریمیزده بو مسئله'نی موذاکیره ائتدیک و لازیمی معلوماتلاری اونلارا وئردیم. داها اوّل ده اونسوز دا کشفیات تشکیلاتلاریمیزلا کئچیریلمیش بو مسئلهده موختلیف بریفینگلر اولدو. آیرینتیلارا، بو گون کئچیردیگیمیز ایکیطرفلی گؤروشمهلرله گیرمیش اولوروق. هر شئیدن اوّل ایچریده 18 دنه محبوس وار. بو 18 محبوس معلوم اؤلکهمیزه گلن شخصلردیر. بو 18 نفری تورکیهیه کیملر گؤندریب؟ بونون جوابینی طبیعی کی سعودی مقاملارینین وئرمهسی لازیمدیر. داها سونرا بیر آچیقلاما سعودی عربیستانینین صلاحیتلی اورقانلاریندان گلدی. او دا تورکیهدکی یئرلی ایشبیرلیکچیلره جسدین تسلیم ائدیلمهسینه دایر و یا اونلارلا فرقلی بیر ایش بیرلیگینه گیرمک واسطهسیله بئله بیر آددیمین آتیلدیغی دئییلدی. او زامان بو یئرلی ایش بیرلیکچی کیمدیر؟ بونو دا یئنه بو آچیقلامانی ائدن شخص و یا شخصلرین اورتایا قویماسی لازیمدیر. هر جور کریمینال تحریمه محکوم ائدیلهجکلرینی دئییرلر. جینایتین ایشلندیگی یئر ایستانبولدور، او جملهدن سعودی عربیستانی بو موحاکیمه یوروتمکده اگر اؤزلری بو ایشی گؤره'مه'یه'جگلر بو موحاکیمه ائتمگی تورک یارغیسی اولاراق بیزیم ائتمهیه حاضیر اولدوغوموزو اوّلکی گون عدلیه ناظیرلیگیمیز واسطهسی ایله اؤزلرینه بو چاغیریشی یازیلی اولاراق رسمی کاناللاردان دا ائتمیش اولوروق. ایندی اورادان بونون جوابینی طبیعی کی گؤزلیه'جگیک. سعودی عربیستانی باش ساوجینین تورکیهیه گؤندریر و ایستانبول باش ساوجیلیغیمیزلا باش باش ساوجی اؤز یانینداکی نماینده هیاتی ایله گؤروشمهلری کئچیرهجکلر. بو گؤروشه'نین نتیجهسینی ده اهمیت وئریریک". جوابینی وئردی.
اردوغان، بو پروسه'ده امنیت تشکیلاتی، کشفیات تشکیلاتی و یارغی تشکیلاتینین گرگین ایش ایچریسینده اولدوغونو بیلدیریب،
بو ایشلر بیتمهییب، هله ده عینی حساسلیق ایچریسینده داوام ائدیر". دئدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719011206)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719011206)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی