آلمانیانین ایقتیصادیات و انرژی ناظیری تورکیه-ده
آلمانیانین ایقتیصادیات و انرژی ناظیری پیتر آلتمایر تورکیه-ده رسمی سفردهدیر.
تورکیه-ده رسمی سفرده اولان آلمانیانین ایقتیصادیات و انرژی ناظیری پیتر آلتمایر آلمانیا و تورکیهنین سون دؤورده آسان اولمایان سیاسی بیر پروسه سدن کئچدیگینی قئید ائتدی.
آلمانیانین ایقتیصادیات و انرژی ناظیری پیتر آلتمایر تورکیه-ده رسمی سفردهدیر.
آلتمایرین باشچیلیق ائتدیگی نوماینده هئیتینین آنکاراداکی ایلک دایاناجاغی آوتوموبیل یان صنایع سینده فعالیت گؤسترن آلمان شیرکتی " Farhym" اولدو.
آلتمایر فابریکانی گزهرک فعالیت لری ایله باغلی باش مودیر بولنت آک گؤلدن معلومات آلدی.
بورادا مطبوعات نومایندهلرینین سواللارینی جاوابلاندیران آلتمایر تورکیه-ده 7 میندن چوخ آلمان فیرماسینین اولدوغونو سؤیلهدی.
آلتمایر بو شیرکتلرله یاناشی، تورک و آلمان امکداشلاری اولان چوخ سایدا فیرما اولدوغونا دقت چکهرک، فابریکادا اهمیتلی ایش تجروبهسینه مالیک اینسانلارلا بیر آرایا گلدیکلرینی و چوخ تاثیرلندیکلرینی ایفاده ائتدی.
آلمانیا ایله تورکیه آراسینداکی علاقهلرین سون دؤورده آسان اولمایان سیاسی بیر پروسئسدن کئچدیگینی خاطیرلادان آلتمایر: "بو گون تورکیهده حیاتا کئچیردیگیمیز رسمی سفرین اساس مقامی اؤلکهلریمیز آراسینداکی ایقتیصادی امکداشلیغین اینکیشاف ائتدیریلمهسی، سیاسی موناسیبتلرین قوتلندیریلمهسیدیر.تورکیه ایقتیصادی اولاراق چوخ گوجلو بیر اؤلکهدیر. منیم هدفیم ایقتیصادی امکداشلیق نتیجهسینده یاخینلاشماغیمیزدیر. بو یاتیریم ایقتیصادیاتیمیزین نه قدر ایچ-ایچه اولدوغونو گؤستریر. بونا گؤره سیاسی و دیپلوماتیک ساحهده موجود اولان پروبلئملرین حل ائدیلمهسینین سیقنالینی وئرمک ایستییرم. ایقتیصادی امکداشلیغین ایرهلیلمهسینی ده تامین ائتملیگیک" شکلینده دانیشدی.
آلمانیالی ناظیر تورکیه-نین بولگه نین ثابیتلیگیندکی اهمیتینه ایشاره ائدهرک دئدی: "تورکیه اهمیتلی ژئواستراتژیک رولا مالیکدیر. تورکیه ادلیب بؤلگهسینده 10 مینلرله اینسانین حیاتینی قورتاران آتشکهسین تامین اولونماسینا تکان وئردی. تورکیه قونشو اؤلکهلردکی حادثهلرین اینکیشافی مسئلهسینده ده بؤیوک رول اویناییر".
سفری چرچیوهسینده تورکیه-آلمانیا ایقتیصادی علاقهلرینی هرطرفلی شکیلده موذاکیره ائدهجکلرینی قئید ائدن آلتمایر سؤزونه بئله داوام ائتدی:"سرمایه قویماق ایستهین شیرکتلری بیر آرایا گتیرمگی، انرژی ساحهسینده تورکیه-ده تشکیل ائدیلهجک امکداشلیغی موذاکیره ائدیریک. یئنیلنه بیلن انرژی ده آلت یاپی ساحهسینده یاتیریم لار مسئلهسی وار. بو ساحهده گؤرولهجک چوخ ایشلر و بؤیوک فورصتلر واردیر. بو ایمکانلاردان ایستیفاده ائتمک ایستییریک".
پیتر آلتمایر آنیت قبیری زیارت ائدهرک، آتاتورکون مزارینین اؤنونه اکلیل قویدو، خاطره کیتابینا اورک سؤزلرینی یازدی.
آلمانیانین ایقتیصادیات و انرژی ناظیری تورکیه-نین خزینه و مالیه ناظیری برات آلبایراق ایله ده گؤروشدو.