اردوغان، بو گون آمریکایا گئدیر

تورکیه جمهور باشقانی رجب طیب اردوغان، بو گون آمریکایا گئدیر.

اردوغان، بیرلشمیش میللت‌لر (بمت) 73ونجو عمومی قورولونون دانیشیق‌لارینا قاتیلماق اوچون 23-27 سپتامبر تاریخ‌لرینده آمریکادا اولا‌جاق.

اردوغان نیویورکدا کئچیریله‌جک عمومی قورولونون اؤنجه‌سی، 24 سپتامبر بازار ارته‌سی گونو قلوبال قاچقین راضی‌لیغی یوکسک سویه‌لی تدبیرینه قاتیلا‌جاق. بورادا، تورکیه‌نین سوریه‌لی قاچقین‌لار اوچون ائتدیک‌لرینی ایضاح ائده‌جک، دونیایا، "تورکیه‌یه دستک اولون" مساژی وئره‌جک.

اردوغان نیویورکدا بمت باش کاتیبی آنتونیو گوترز ایله ده بیر آرایا گله‌جک.

هم باش کاتیبه، هم ده گؤروشه'جگی دیگر لیدرلره سپتامبرین 17-ده روسیانین سوچی شهرینده ایمضالانانیدلیب راضی‌لیغینی بیل‌دیره‌جک.

خاریجی ایشلر ناظیری مولود چاووش اوغلو دا روس و ایران‌لی همکارلارییلا گؤروشه‌جک.

تورکیه آمریکانین بؤلوچو ترور تشکیلاتی پ.ک.ک-نین سوریه داوامی پ.ی.د/ی.پ.گ-یه تامین ائتدیگی سیلاح دستگین‌دن ناراحات.

پرزیدنت اردوغان، اعتراضینی گؤروشه'جگی لیدرلره چات‌دیرا‌جاق.

اردوغان نیویورکدا آمریکا‌لی یاتیرم و تیجارت مرکز‌لری ایله ده بیر آرایا گله‌جک، "تورکیه‌یه سرمایه قویون" دعوت ائده‌جک. 26 سپتامبر چرشنبه گونو نیویورک‌دان آلمانیانین پایتختی برلینه کئچه‌جک.