تورکیه ایله برزیل آراسیندا اوچوشا الوئریشلیلیک آنلاشماسی
تورکیه ایله برزیل آراسیندا اوچوشا الوئریشلیلیک پروسهلرینده قارشیلیقلی تانیما و سیویل هاواجیلیقدا امکداشلیغین گلیشدیرمه'سینه دایر آنلاشما مموراندومو ایمضالانیب.
تورکیه ایله برزیل آراسیندا اوچوشا الوئریشلیلیک پروسهلرینده قارشیلیقلی تانیما و سیویل هاواجیلیقدا امکداشلیغین گلیشدیرمه'سینه دایر آنلاشما مموراندومو ایمضالانیب.
سیویل هاواجیلیق باش ایدارهنین اینترنت سایتیندا یایینلانان معلوماتا گؤره، اولوسلار آراسی سیویل هاواجیلیق تشکیلاتی (ICAO) طرفیندن برزیلده کئچیریلن دونیا هاواجیلیق فورومو (IWAF/4) چرچیوهسینده، تورکیه و برزیل سیویل هاواجیلیق رهبرلری بیر آرایا گلهرک، سیویل هاواجیلیق'ین موختلیف مسئلهلرینده امکداشلیغی ایچه رن گئنیش بیر موقاویلهیه ایمضا آتدی.
برزیلین سیویل هاواجیلیق تشکیلاتی ANAC-ین صدری خوزه ریکاردو و تورکیه سیویل هاواجیلیق باش ایدارهنین باش دیرکتور معاوینی جان ارئل طرفیندن ایمضالانان آنلاشما مموراندومو ایکی اؤلکه آراسیندا اوچوشا الوئریشلی شرایطله باغلی پروسهلری قارشیلیقلی تانیما و باغلی حاکمیت طرفیندن سرتیفیکالاندیریلمیش محصوللارین قبول راضیلیغینی آسانلاشدیرما مسئلهلرینده راضیلیق الده اولونوب.
هاواجیلیق محصوللارینین باشلانغیج و دایمی اوچوشا الوئریشلیلیک پروسهلرینده امکداشلیق و قارشیلیقلی فعالیتینی عکس ائتدیرن آنلاشما چرچیوهسینده عینی زاماندا فاکت و معلوماتلارین موبادیلهسی و ایستیثماریندا امکداشلیق ائدیلهرک، قارشیلیقلی سفر و کئچیریلهجک تعلیملرله پئشه پروفسیونللری، تشکیلاتلانما یاپیسی و قانونلاری حاقیندا معلومات موبادیلهسی تامین اولوناجاق.
بو چرچیوهده، هر ایکی اؤلکهنین هاوا واسطهسی اوره تیجیلرینده خیدمت ائدن سرتیفیکاسیون متخصصلرینین قاتیلاجاغی و برزیل هاوا واسیطه'چی سرتیفیکاسیوندا الده ائدیلن بیلگی، تجروبه و آلینان درسلرین پایلاشیلاجاغی چالیشتایین، ایلک مشترک ایش اولاراق گلن ایلین ایلک چئیرکینده تورکیهده کئچیریلمهسینه قرار وئریلیب.
ایمضالانان آنلاشما مموراندوموندا همچینین، هاواجیلیق امنیتی مسئلهلرینده ده ایش بیرلیگینه یاناشی ایرتیباط گلیشدیرمک هدفی یئر آلدی.
هاواجیلیغین گلیشمه'سی اوچون یاتیریم تشویقی" باشلیغی ایله تشکیل اولونان فورومدا، بین الخالق سیویل هاواجیلیق تشکیلاتینین عضوو اولان اؤلکهلره ایستانبول یئنی هاوا لیمانینین تقدیماتی دا کئچیریلیب.