تورکیش کارگو، مکزیکو سیتی-یه کارگو سفر‌لرینی باشلاییر

دونیانین 122 اؤلکه‌سینه خیدمت ائدن و ان سرعت‌لی بؤیوین هاوا یوک مارکالاریندان‌ بیری اولان تورکیش کارگو، 3 اوکتوبردان اعتباراً مکزیک ین پایتختی مکزیکو سیتی-یه هاوا یوک سفر‌لری باشلاییر.

تورک هاوا یول‌لاری مطبوعات مشورتچی اورقانین‌دان وئریلن معلوماتا گؤره، مکزیکو سیتی، تورکیش کارگونون یوک اوچوشو ائتدیگی 85ینجی اوچوش نقطه‌سی اولا‌جاق.

تورکیش کارگونون لاتین آمریکادا 8ینجی، آمریکا قارّه‌سینده ایسه 19ونجو اوچوش نقطه‌سی اولا‌جاق مکزیکو سیتی، بایراق داشیییجی یوک شیرکتی‌نین 5 فرق‌لی قارّه‌دکی 300دن چوخ نقطه نی احاطه ائدن گئنیش اوچوش شبکه‌سی ایله دونیایا باغ‌لانا‌جاق.

بوئینگ 777 اف تیپی گئنیش گؤوده یوک اوچاق‌لاری ایله ایجرا ائدیله‌جک یوروش‌لر، ایکی آیری ایستیقامتده حیاتا کئچیریله‌جک.

ایلک مسیرده ایستانبول‌دان هاوایا قالخا‌جاق یوک اوچاق‌لاری مادرید آنتارمالی اولا‌راق مکزیکو سیتی-یه چاتا‌جاق. مکزیکو سیتی سونراسی اوچاق‌لار، بوگوتا، جوراچاو و ماستریخت مسیرینی تعقیب ائده‌رک ایستانبولا قاییدا‌جاق.

ایکینجی ایستیقامتده ایسه مادرید آختارمالی اولا‌راق مکزیکو سیتی-یه چاتا‌جاق اوچاقلار، هیوستون اوزرین‌دن ایستانبولا قاییدا‌جاق.

دونیانین ان چوخ اها‌لییه مالیک اونونجو اؤلکه‌سی مکزیک ین ان بؤیوک شهری اولان مکزیکو سیتی ایخراج ائتدیگی تزه چیچک‌لر، پوزولابیلن میوه و تروزلر، تکنولوژیک محصول‌لار، اوتوموبیل‌لر ایله اؤنه چیخیر.

مکزیکو سیتی-نین اساس ایدخال قلم‌لری آراسیندا ایسه ماشین، شیمیایی مادده‌لر، نفت-شیمیایی محصول‌لاری، تکستیل محصول‌لاری، بالیق، درمان، چیچک و دیگر پوزولابیلن محصول‌لار وار.

اوچوش شبکه‌سینه علاوه ائتدیگی یئنی دستیناسیون‌لار، موجود آلتیسی و حیاتا کئچیردیگی یاتیریم‌لارلا داوام‌لی بیر بؤیومه تامین ائدن تورکیش کارگو، تیجارت شبکه‌سی ایله لاتین آمریکاسی اؤلکه‌لری آراسیندا اهمیت‌لی بیر تیجاری کؤرپو وظیفه‌سی گؤرن مکزیکو سیتی ایله بیرلیکده هم لاتین آمریکاسیندا، هم ده آمریکا قارّه‌سین‌دکی تأمیناتینی آرتیرماغی هدفلییر.