اردوغان، خامنهای ایله گؤروشدو
خامنهاینین مطبوعات افیسیندن وئریلهن معلوماتا گؤره خامنهای، اردوغان ایله گؤروشمهیه دایر دانیشدی
![اردوغان، خامنهای ایله گؤروشدو](http://cdn.trt.net.tr/images/xlarge/rectangle/1365/70e7/8fa1/5b936dc01456e.jpg?time=1718878311)
جمهورباشقانی رجب طیب اردوغان، ایران دینی لیدئری آیتالله علی خامنهای ایله گؤروشدو.
اردوغان، دونن تهراندا گئچیریلهن "سوریه" قونولو تورکیه-روسیا-ایران اوچلو ذیروه توپلانتیسینین آردیندان خامنهای ایله بیر آرایا گلدی.
خامنهاینین ایقامتگاهینداکی گؤروشمه مطبوعاتا قاپالی اولدو.
خامنهاینین مطبوعات افیسیندن وئریلهن معلوماتا گؤره خامنهای، اردوغان ایله گؤروشمهیه دایر دانیشدی.
تورکیه ایله ایران آراسینداکی یاخشی ایلیشکیلره توخونان خامنهای، اورتاق نقطهلرین داها دا گوجلندیریلمهسی لازیم اولدوغونو دیله گتیردی.
خامنهای، تورکیه ایله ایرانین بؤلگهنین ایکی سایغین و گوجلو اؤلکهسی اولدوغونا دقت چکهرک،
"ایران ایله تورکیه ایسلام دونیاسی اوچون اورتاق مقصدلره صاحبدیر. او اوزدهن ایران ایله تورکیه آراسینداکی سیاسی و اقتصادی امکداشلیق اینکیشاف ائتدیریلمهلیدیر" فیکیرلرینی پایلاشدی.
پرزیدنت اردوغانین میانمار مسئلهسیندهکی توتومونو دا تقدیر ائدن خامنهای،
"فیلیسطین مسئلهسی دایم موهومدور و تک بیر آن بئله غفلت اولمامالیدیر" ایفادهسینی ایشلتدی.
خامنهای، ایسلام اؤلکهلرینین یاخینلاشماسی و دایانیشماسینین واجیبلیینه ایشاره ائدرک،
"ایسلام اؤلکهلرینین بیرلیگی و امکداشلیغی، بؤلگهدهکی سورونلارین حلینین اساسینی تشکیل ائدجک. بو سببله آمریکانین باشینی چکدیگی امپریالیزم، ایسلام اؤلکهلرینین امکداشلیغیندان، یاخینلاشماسیندان و ایسلامی بیر گوجون اورتایا چیخماسیندان راحاتسیزدیر" دگرلندیرمهسینی ائتدی.