"آمریکا، فئتؤ ترور هؤرگوتونه میلیونلارجا دلار اؤدهییر"
اردوغان، آمریکا- فتحاللهچی ترور هؤرگوتو ایلیشکیلریندن دانیشدی
جمهورباشقانی رجب طیب اردوغان، آمریکانین، فتحاللهچی ترور هؤرگوتونه ایللیک ۸۰۰- ۸۵۰ میلیون دلار اؤدهدیگینی سؤیلهدی.
اردوغان، تورکیهده رسمی سفرده اولان بنین پرزیدنتی پاتریس تالون ایله باشاباش و هیاتلر آراسی گؤروشلرین آردیندان اورتاق مطبوعات کنفرانسی دوزنلهدی.
اردوغان، بنین پرزیدنتی تالون ایله فئتؤ مسئلهسینده ده گؤروشدوغونو قید ائدرک،
"بو هؤرگوت، بیر ویروس، هر اؤلکهیه، هر یئره، هر جور جیلده گیرهرک، سیزیر، گیریر. عینی شکیلده بنینه بونلار گیرمیش وضعیتدهدیرلر. معاریف وقفی نمایندهمیز، گئچن آی وظیفهسینه باشلادی. آرزوموز او کی، فئتؤنون اؤلکهدهکی (بنین) باغلانتیلارینین تصفیهسی ایله ایلگیلی اولاراق ان قیسا مدت عرضینده نتیجه آلاجاغیمیزا اینانیرام" دئدی.
فئتؤنون، تورکیهده دؤولتین بوتون طبقهلرینه نئجه سیزمیش ایسه بنینده ده عینی تاکتیک ایله بورالارا سیزابیلهجگینی وورغولایان اردوغان، بونلاری قید ائتدی:
"آمریکا، اونا (فئتؤ چتهباشی) ۴۰۰ هکتار اراضی آییردی و بو اراضیده او اورادا بوتون دونیاداکی هؤرگوتلرینی اورادان ایداره ائدیر. ایللیک چارتر اوخوللاردن آمریکانین بو هؤرگوته اؤدهدیگی پول ۸۰۰-۸۵۰ میلیون دلار. بونون اؤزللیکله بیلینمهسینده فایدا ملاحظه ائدیرهم. بو هؤرگوتون آرخاسیندا نهلرین اولدوغونو، کیملرین اولدوغونون بیلینمهسی باخیمیندان بونو چوخ چوخ اؤنمسیرم".
ایلگیلیلی خبرلر
یاشار گولر لیبی ساوونما ناظیرینین معاوینی ایله گوروشوب
میللی ساوونما ناظیری یاشار گولر لیبی ساوونما ناظیرینین معاوینی عبدالسلام زوبینی قبول ائدیب.