اردوغان، دونیا تیجارتینده دولارین حاکمیتینه سون وئرمک لازیم اولدوغونو سؤیله‌دی

تورکیه جمهورباشقانی رجب طیب اردوغان، دونیا تیجارتینده دولارین حاکمیتینه سون وئرمک لازیم اولدوغونو سؤیله‌دی.

اردوغان قیرقیزیستانین باشکندی بیشکک ده کئچیریلن تورکیه-قیرقیزیستان ایش فورومونا قاتیلاراق چیخیش ائدیب.

پرزیدنت چیخیشیندا، قیرقیزیستان ایله تیجارتین 500 میلیون دو‌لارین آلتیندا اولدوغونو ان قیسا مدتده بونو 1 میلیارد دو‌لارا چیخاراجاقلارینی سؤیله‌دی.

اردوغان، هر ایکی اؤلکه ایش آدام‌لاری‌نین بو گؤروشمه موناسیبتیله یئنی امکداش‌لیق‌لارین قاپی‌لارینی آختارما‌لارینی آرزو ائدیب.

دونیا ایقتیصادی سیستمی‌نین یئنی بیر ایمتحان قارشی‌سیندا اولدوغونو ایفاده ائدن اردوغان، "اولوسلار آراسی تیجارتین دو‌لارا آسی‌لی‌لیغی داها بؤیوک بیر پروبلم حالینا گلمکده‌دیر. آرامیزدا یئرلی میللی پولو ایستیفاده ائتمک واسطه‌سیله دو‌لار اگمنلیگینه یاواش-یاواش سون وئرمک لازیم‌دیر" دئدی.

سون هفته‌لرده تورکیه‌نین معروض قالدیغی سالدیری‌لارین بونون ان پارلاق نومونه‌سی اولدوغونو وورغولایان اردوغان، "بو مانیپولاسیون تورکیه‌نین گوجلی ایقتصادی اوزرینده شوپهه بولوت‌لاری یارادیلماغا چالیشیلیر. معلوم کرئدیت درجه‌لندیرمه تشکیلات‌لاری وار، اونلارین هر آددیمی سیاسی‌دیر. بون‌لار آکروباتدیر. آصلا آکروبات‌لارا اینانمایین. پول مزنده‌سی سالدیری اوزرین‌دن هدف تورکیه ایقتیصادی اولا‌راق تسلیم آلماق‌دیر. کور باسقیسی تکجه بیزیم پروبلمیمیز دئییل" دئدی.

اردوغان، "توریزمده تورکیه بو ایل 40 میلیون توریسته چاتیب. هارا‌دان هارا. بو هر ایل داها دا آرتا‌جاق. عینی شکیلده ساوونما صنایعسینده تورکیه، بیز وظیفه‌یه گلنده اؤزونه کافی‌لیک  یوزده 20 ایدیسه، حاضیردا یوزده 65 " شکلینده دانیشدی.

روسیا ایله آپاردیق‌لاری اس-400 هاوا ساوونما سیستمی آنلاشماسین‌دان بعضی ‌لری ناراحات اولدوغونو دا بیل‌دیرن اردوغان، "احتیاجیمیزی آرا‌دان قال‌دیرماق مجبوریتیندییک، بیرلرین‌دن ایجازه آلا‌جاق دئیی‌لیک" شکلینده دانیشدی.

اردوغان، دوست اؤلکه‌لره فتح الله چی ترور تشکیلاتی موضوعسوندا دا مساژ وئره‌رک، "ایکیطرف‌لی امکداشلیغیمیزی زهرله‌ین فتو ایلانین باشینی ازمک و بو تهدیدی آرا‌دان قالدیرماغیمیز لازیم‌دیر. بو تشکیلات نماینده‌لری‌نین هئچ بیر دوست اؤلکه‌سینده قول‌لارینی یئلله‌یه‌رک گزمه‌لرینی ایستمیریک" دئدی.