"تورکیه قایغی دویماق‌دا حاقلی"
پید/یپگ ایله باغلی تورکیه‌یه دستک اولان جفری آرتیق آمریکانین سوریه اؤزل نماینده‌سی
آمریکا اسکی آنکارا ائلچیسی جیمز جفری تورکیه‌نین بؤلوجو ترور هؤرگوتو پ‌کاکانین سوریه قولو پید/یپگ حاقین‌دا قایغی دویماق‌دا حاقلی اولدوغونو بیلدیردی.
جفری سوریه‌ده ترور هؤرگوتلرینین آمریکا رهبرلیگی طرفین‌دن قوللانیلما‌سینی یانلیش اولاراق گؤره‌نلردن بیریدیر.
جفری، "پیدنین پ‌کاکانین سوریه قولو اولدوغو شوبهه‌سیز. بو حقیقت ۲ ایل اول آمریکا سناسین‌دا آچیقلاندی، مرکزی استخبارات تشکیلاتینین اؤلکه‌لر راپورون‌دا دا قید اولونور. بو بیر گئرچک" دئدی.
داها اول تورکیه رادیو تلویزیون قورومو ت‌رت‌یه وئردیگی موصاحیبه‌سین‌ده ایسه تورکیه‌نین سوریه مسئله‌سین‌ده‌کی قایغیلارینین نظره آلینماسی لازیم اولدوغونو بیلدیرمیشدی.
جفری، "تورکلرین غضبینی آنلاییرام. بو قیزقینلیق یالنیز ۱۹۸۴دن بو یانا ۴۰ مین نفری پ‌کاکا ترورونا قوربان وئرمه‌لرین‌دن ایر‌لی گلمیر. آمریکانین پید/یپگ ایله باغلی سؤزونو توتماماسین‌دان دا قایناقلانیر. باش‌دا موقتی و تاکتیکسلدی. اما سونرا اوزون وعده‌‌لی اورتاقلیغا چئویردیک. تورکلر ده بو نه ایش دئدی حاقلی اولاراق" ایفاده‌لرینی ایشلتمیشدی.
جیمز جفری آرتیق آمریکانین سوریه اؤزل نماینده‌سی.
بؤلگه اؤلکه‌لری ایله مذاکیره‌لری ده یئریده‌جک اولان جفرینین داها اولکی سوریه فیکیرلرینی داوام ائتدیریب ائتدیرمه‌یه‌جیی ایسه ماراق قونوسو.
